::: مـنتدى قبيلـة الـدواسـر الـرسمي :::

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - قدلي (http://alduwaser.org/vb/showthread.php?t=52401)

قدلي وببطي وانا مجـروح واونـي=وغيري مالومه الى من جاه ماجانـي
انا فقدت العضيد اللي علـى ضنـي=الي يشابـه لبويـه واكبـر خوانـي
فيه اتخيـل حيـاة الشايـب الجنـي=اللي على المرجلـه والديـن ربانـي
عوداً فقدته وانا فـي مقتبـل سنـي=وبعده غدالي استـاذ وقـدوة ثانـي
النادر الي علـى النامـوس متثنـي=وخزايزه بالمراجل كثـر وسمانـي
ومع الردا كنهم الكبريـت والجنـي=مابينهـم لتواصـل رمزعنـوانـي
عليه صبري الى ادنـا حـد متدنـي=لوكان اخفي علومي واجحد احزانـي
تزعجني العبرة اللي ماستحت منـي=علي متجريـه فـي كـل الاحيانـي
حتى الى جيت ابرفع صوتي اغنـي=غارة علي غـارة الديـان للجانـي
وان جيتنا منزل قـد حلـه اشحنـي=بعض المداهيل لامن جيتـه ابكانـي
كني اشوفه وصوته باذنـي يرنـي=وصرت اتصوره يامرني وينهانـي
ياكثر ماقلت فـي سحمـان لاكنـي=عجزت اعبر عن المكنـون بلسانـي
عساه في جنـة الفـردوس متهنـي=فضل من الواحد المنـان واحسانـي
اللي الى من عطـى للعبـد مامنـي=منه العطايا تجي جـزلات وثمانـي
وماسيقت الصين فيها رائـب البنـي=صلو على المصطفى من نسل عدناني
سـالــم بـــن صـمـهــود=

صح السانك اخوي سالم واعتلى شانك

وافر التحيه والتقدير

اخوي الشاعر القدير سالم بن صمهود

صح الله لسانك ولاهنت ورحم الله سمحان رحمة واسعه

قصيده لا تقل حزن عن القصيده السابقه

تقبل تقديري

ابوفيصل صح لسانك واعتلى شانك
والله يغفر له ويرحمه وماهوب انت اللي فقدته اغلب اللي يعرفون ابوصمهود فقدوه
مبدع في جميع المجلات

سالم صح لسانك واعتلى شانك شاعر كبير يابوصمهود

تقبل مروري على هذه الشامخة

شاعرنا القدير وأخونا الكبير سالم بن صمهود :
أسال الله أن يغفر لأخوك ويعظم أجرك فيه ويجمعك به ومن تحبون في الفردوس الأعلى من الجنة

أما القصيدة فموضوعها يكفي لتكون مؤثرة فكيف وقائلها
أنت ؟!
يعلم الله إني لا أذكر أني قرأت لك شعراً خالياً من
الجزالة والإبداع

الشاعر القدير سالم بن صمهود

قصيده معبره ومؤثره رحم الله سحمان واسكنه فسيح جناته

صح الله السانك اخي على تللك الابيات التي كررت قراءتها مرارا

من قوتها وماتحويه

صح السانك .....

صح السانك ويعطيك العافية

تحياتي