يا الله يالمـعـبــود جـلا جلاله

ياواحـد ما غـيـرك احـد نسـالـه

إنك تعز الـدار واللي حكمــها

حكامــنا اللي يكسبـون الجمـالـه

حكــامنا اللي مانـدور بدلهـــم

من بعد حكم العود جولك عيالـه

وحنا نعاهدهم على اللين والقسى

جنوبـهـا مع شرقهـا مع شمالـه

مع غربها في ظل حكام العـرب

مشو بشرع الله وهدي الرساله

من عهد أبو تركي إمام الامه

واليـوم أبو متـعب وحنا رجالـه

في حكم أبو متعب ولي عهد

سلطـــان لمن صـك جـالٍ جالـه

وكل آل سعود افعالهم معروفه

قــول مؤكد ماكــذب مــن قـالـه

قلـته وانا من لابة مـــعروف

وكـل على فـعـلـه يـعـد افـعـالـه

حنا الدواسر من عصور فايته

كــم شيـخ قــومٍ قد نعوه عيالـه

من ضربنا خلي عشا للجايع

خــلــوه ربـعـه طـــايـح لـحـالـه

وتدلهبنا الفاطر ويكبر نيها

تـرعى الخـطـر يبرالـها خيـالـه

كم شيخ قومٍ دونها حولبه

لا عـل مافـال الصــديـق بفـالـه

نرعى بها يم الخطر ما نهابه

وبالسيف الاملـح نردع العيالـه

وزبيننا لو كان حمله كايد

نشـــيل حمله كـــان محـد شالـه

مثل ابن مطرف قصته معروفه

وغيــره وغيـره واجــد امثالــه

وسم العصا للجار حنا هلها

وخــــويــنا مـحـد يـكـدر بـالــه

اهل الكرم يوم الليال المعسره

وعبدالعزيز اهل الكرم قد قاله

وفي نجد نمشي ماحد يردنا

يوم الرشاء يلعب على المحاله

وكل القبايل حقها مانجهله

وكــل على حــقـه ولـه مـــنـالـه

وصلو على اللي لا نبي بعده

صلـو على محمد وصحبه والـه