::: مـنتدى قبيلـة الـدواسـر الـرسمي ::: - 00"يــاخــــــــــــــــــــــــــــــــــــــــ ــ ــوي"00

- :: قسم الـشعر العــام :: (http://alduwaser.org/vb/forumdisplay.php?f=16)

00"يــاخــــــــــــــــــــــــــــــــــــــــ ــ ــوي"00

ياخوي كأنك تجهل أمور وأمور
******هاك النصائح واستمع لي دقيقه

منتّه على بعض المخاليق مجبور
******ولنتّه من اللي يجهلون الحقيقه

إحذر.. تماشي لك من الناس مطيور
******بعض البشر لازم تحاشى طريقه

خلك مع أهل العرف والطيب والشور
****** ما للأنيق إلا ثيابٍ أنيقه

اللي لهم عزه وشأنٍ ومنظور
****** مافيهم اللي ذل يومٍ رفيقه

وأصحى يخوك ارجوك من فتنة الحور
******اللي تبي قربك بروحٍ رقيقه

إن ماحصل شيٍ بحكمة ودستور
****** وإلا عسىغيره رماد وحريقه

دوّر على اللي تفهمك حسّ وشعور
****** وجبها بصكّ ومعطيات ووثيقه

كذا تجنبّ درب الأوهام والجور
******وتبقى السعيد اللي مذهبّ بريقه

خابرك منته راعي هياط وغرور
******ولالاتحب اللي تناسى صديقه

اللاعب إن صابه لحدّات وكسور
******ماظنتي يقدر يفوّز فريقه

والذيب يتقن لابغى حاجه الدور
******ماوالله يلقى له دروبٍ تعيقه

وأنته كما ذيبٍ ولافيك مقصور
******حرٍ ولد حرٍ علومك طليقه

الصدق صدق وتعرف الزورهو زور
******إتحب شي .. وشي منته تطيقه

يعني تحب النور والنور لك نور
******تعشق صعود الشامخات الشهيقه

يجوزلك صالح .. ولايجوز محظور
******فاهم ونفسك ماهي نفسٍ غريقه

نصيحةٍ خذها بلا فلوس وأجور
******جتلك من إلسانٍ طوى الحر ريقه

خلك مع أهل العرف والطيب والشور
****** ما للأنيق إلا ثيابٍ أنيقه