|
الدندان
بدا في الضحى النشاد في مرقبن لاعاد = رقا في طويل مقورات المعازيلي بدا بسم ربه قبل مبداه في الانشاد = وذكر طلبة الله قبل بدع التماثيلي صحيحن ولحه كثر مايحصي العداد = على حاجة وارجي عطاياه تجري لي فيالله بليلن مايخفه نما الانواد = حقوق يشقق ماه غور الغماليلي بكر ليلة الجمعه بامر الكريم وصاد = وتعاقب عليه مروحات اهماليلي تقصف رعوده لين زل الربوع وعاد = غدا الماء في مزونه هواشيلي تهشم على الفرشه معا حزة المهجاد = خذا ردعشرن في غظين مهاجيلي عروضن سحابه يلتمج بارقه منقاد = يخلي مع بعض المحاني مغاييلي من العرق للهجله قنيف من الرعاد = وعلى عبلة الجزلا بردها حزاويلي تحدر على روس الغراميل ماه قصاد = يدك الهمل من باردات المقاييلي جثيله على القمري يطره ثمد وغماد = ربابه كما زرق الجمال المحاميلي سقا دار شياب العثانين كل اسناد = دنين العبس فيها كما بنة الهيلي طوال الغوارب تلحق القن كل امراد = كبار الفقار ومحجلات العنابيلي بعد نيها حطت كثير المسير وناد = تطاوي هشيمن من عضاها مهازيلي ياماحلا شوف المواري عليها جداد = تخالف مثامين ولخوى مظاليلي تقود الصدير وذي تجي كالمحوص اراد = تبي عرفتن فيها الوضيحي مقاييلي يارازق الي مايبي طاري المسناد = محبن لداري وشرعتي في مداهيلي وافتح لنا باب من العرش ياجواد = برزقن تلين به كبود مغاليلي |
بيض الله وجهك يا خوي الغالي عبدالله الصخيبري
اختيار رائع وموفق لهذه الدره من درر الشاعر المرحوم عبدالله الدندان الرجباني رحم الله شاعرنا الكبير وصح الله لسانك على النقل تقبل تحيات اخوك ابو سعود الدوسري |
السلام عليكم ورحمة الله وبركاته
ابوسعود الدوسري حياك الله ووجهك ابيض يالقرم مرورك بحد ذاته شرف لي الله يحييك ويرحم والديك اخوك:عبدالله |
الله لا يهينك اخوي عبدالله على هذه القصيدة الرائعة
لشاعر علم من قبيلتنا الكبيرة و لا هنت .... |
السلام عليكم ورحمة الله وبركاته
الاخ العزيز مترك ولاانت يالغالي ولا سوينا الا الواجب الله يحييك شاكر لك حسن المتابعه اخوك:عبدالله |
قصيدة رائعة وأكثر من جزلة للشاعر الكبير الدندان رحمه الله تسلمك يمينك التي خطتها لا هنت يا عبدالله على النقل الطيب تقبل كل الود والتقدير أخوك في الله الـــــــــعـــــــــــرابــي |
السلام عليكم ورحمة الله وبركاته
الاخ العزيز العرابي مرحبا بك ومن قال مايهان ونورت متصفحي بمرورك وتعليقك اخوك:عبدالله |
الأخ العزيز الغالي :عبدالله الصخيبري
بيض الله وجهك ورحك الله والدينك على إيراد هذه الدره فاختيارك رائع للغايه وموفق في كتابة هذه الدره من بحر الشاعر المرحوم عبدالله الدندان الرجباني رحم الله شاعرنا الكبير وصح الله لسانك على النقل وسلمت يمينك يالذيب وفي إنتظار مشاركاتك القادمة عاطر التحايا القلبية لمقامك العالي محب الجميع : دغش البطي |
الله لا يهينك أخوي "عبدالله الصخيبري" على هذا الاختيار الجزل للشاعر المعروف "الدندان" الله يرحمه.
و الله يطول عمرك و لا يحرمنـــاك وسلمت يمينك يالقرم. وتقبل تحيات أخوك "الجعيدي الدوسري" |
هلا وغلا يابو محمد ووجهك ابيض والحمد لله على السلامه
اخي دغش اشكرك كل الشكر على المرور والتعليق الطيب والله يمدك بالصحه والعافيه اخوك:عبدالله |
الساعة الآن 04:31 PM
 |
Powered by vBulletin® Copyright ©2000 - 2025, Jelsoft Enterprises Ltd.
---