::: مـنتدى قبيلـة الـدواسـر الـرسمي :::

كان الوضيحي في بيت صفوق الجربا أحد شيوخ قبيلة شمّر ولم يكن صفوق موجوداً وكانت ((البندري)) ابنة مطلق الجربا موجودة بالبيت فأخذ الوضيحي ربابته يغني عليها ليدخل السرور في نفس الأميرة ويقول

يـا ليتنـي نـدّاف قطـن وابيعــه=متحضريـن في وسـط سـوق راوا

واشـوف غـزلانٍ يـردن الشريعـه=لبـس ثـوب البـزرقـان الغنــاوا

راعي الكريشه ريـف قلبـي ربيعـه=عليـه بيبـان الضمـايـر تهــاوا

فصادف أن كان في بيت الجربا سجين من قبيلة (( عنزه )) وقد كبل بالحديد فلما سمع شعر الوضيحي طلب منه الربابة فأعطاها له وطلب منه مساعدته على الجلوس فأجلسه فأمسك السجين الربابة وأنشد يقول

تسعيـن خيبـه للـوضيحـي نفيعـه=مع مثلهـا يدخـل بهـا سـوق راوا

ربـعٍ يتـاجـربـه وربـعٍ يبيعــه=وربـعٍ فـراشٍ لـه وربـعٍ غطـاوا

تقصـد ببنـت مكبيـرن الـوشيعـه=خطـار أهلهـا بالمشـاتـي مقـاوا

مـا قلتهـا يـالبنـدري الـرفيعـه=بنـت الـذي ذبّـاح حيـلٍ عــداوا

كـم وادي حـرم علينــا ربيعــه=وجـروحهـم بقلـوبنـا مـا تـداوا

ولما انتهى العنزي قصيدته خرجت (( البندري )) من خدرها ففكت قيوده وأمرت له بكسوة وأمرته بالجلوس حتى يعود الأمير ولما عاد ((صفوق)) وجده يستند في وسط المجلس فسأل عن خبره فأخبرته بما قال فأمر له الأمير براحلة يمتطيها جزاء ما قال وأطلق سراحه .