أعوذ بالرحمن من كل شيطان =اللي خلق خلقه ويبعث قبوره
أعوذ به من كل مفسد وفتان =اللي جعل أمر المسلمين شوره
يا ابن الفقيه نقول ضايع وغلطان =ومهما تحرض ما تسبب خطوره
الحكم لآل سعود يا طير برمان =مسكين من مثلك دفع به غروره
ما ينبني بيت الشعر دون عمدان =ولا ينبني قصر بليا جسوره
ولا ينبني حكم على غير سيسان =الحكم لله ثم لإخوان نوره
حكامنا من عصر مقرن ومرخان =الحكم لأبن سعود والشور شوره
ما أوحيت في قاف لعبه غزالان =وتركي راعي الأجرب على أيام دوره
فرسان حرب ليا امتلا الجو دخان =يوم الوديعة من مقاود صقورة
بندر بن سلطان ومشعل كحيلان =دون الوطن كلا دفعه شعوره
راحوا على التلعات مرخين الأرسان =كلا يبي فعله يثبت حضوره
والفعل للرجَّال فخر وعنوان =ومن يكسب الطولات توفي شبوره
ولا أنت لاجي وسط لندن وندمان =وصدرك من الضيقات تطهى قدوره
من نعمة الإسلام أمن بالأوطان =ومن فضل ربي ما شكينا قصوره
في ظل أبو متعب ونائبه سلطان =ننعم بخير والبلاد معموره