بسم الله ابدى والقوافي مقابيل=في مدح ابو مرزوق ذرب الفعايل
من روس قومآ في المراجل مشاكيل =كسابت الناموس بين القبايل
الاد شكرآ لا نتها القال والقيل=سقم المعادي مطوعت كل عايل
توارثوا الا مجاد جيل بعد جيل=فرسان نجدآ من عصور الاوائل
جيتك اسلم مكتفيت بمراسيل =وغمرتني بطيبك ياراعي الفضايل
طلق الحجاج مكمل الطيب تكميل=الطيب يزهابك ياوافي الخصايل
لقيت شخصك قدوتآ للرجاجيل=وشجعتني وحملتني بالجمايل
وأنا على ضنك عن الدرب ماميل=والوقت مهما مال منيب مايل
الله يحفظك في الليالي المقابيل=يا فهد بن مرزوق ذرب الفعايل

يامرحبا في جيتك والمراسيل =مثلك يشرفنا وللهم شايل
ترحيبتآ ارددهامن الصبح الى الليل=ومن زود حبي لك تزين المثايل
يامرحبا بك ياسمي راعي الخيل=راعي الثلاث المكرمات الاصايل
اسمه سند مسند للرجاجيل=فعله يعرفونه جميع القبايل
وانت سندنا في الليالي المقابيل=وانت سندنا وانت وافي الخصايل
يا أمير ولد أمير لوقيل ماقيل=ملفى لها لاقلدوها الشلايل
ابوانك اللي ياصلون المواصيل=عنا يشيلون الحمول الثقايل
نطاحة الكايد زحول الرجاجيل=وقفاتهم تشفي الكبود الغلايل
في الضيق عزوتنا ذرانا عن الميل=الجد واحد والسلايل سلايل

يامرحبا بك ياسمي راعي الخيل=راعي الثلاث المكرمات الاصايل
اسمه سند مسند للرجاجيل=فعله يعرفونه جميع القبايل
وانت سندنا في الليالي المقابيل=وانت سندنا وانت وافي الخصايل
يا أمير ولد أمير لوقيل ماقيل=ملفى لها لاقلدوها الشلايل
ابوانك اللي ياصلون المواصيل=عنا يشيلون الحمول الثقايل
نطاحة الكايد زحول الرجاجيل=وقفاتهم تشفي الكبود الغلايل