سلام يا ال بريك من قلب ولسان=سلام احلامن قراح الشهاليل
سلام لا ال بريك في كل مكان=لطامة العايل وهيف المواحيل
سلام ياربعن لهم عندنا شان=نزالت الربوا قروم الرجاجيل
ذباحت القعدان زودن على الضان=وفي سلمهم مايمنعون الحيايل
مادوروا الارباح فيها والاثمان=غاياتهم كسب الثناء والتنافيل
قوم لهم في قمت المجد مسكان =تاريخهم معروف كالجدي وسهيل
ربعي هل الطالة طويلين الايمان=ذا فعلهم ياشاربين الفناجيل
وعسا السحاب اللي تزبر مسيان=يسقي ثرا الربوا وذيك المداهيل
يسقيك يادار الفخر دار الاحسان=مزنن تحت وبله مشا جارح السيل
يسقيك يادار بها نسل ردعان=عوانين فيهم تزين التماثيل
والمعذرة ان كان به صار نقصان=وعلى السموحه والرضا نختم القيل
وازكا سلامي عد ماهل ودان=على النبي الهاشمي صفوت الجيل

طاب الكلام ونظم الاشعار لي زان =بعد قرينا مالفا من مراسيل
جت من حصانً طيب ترثة حصان=من لابةًًً بافعالهم يرجح الكيل
يستاهلون المدح شيبً وشبان=في سابق الازمان وبحاضرالجيل
وعن ال بريك اقولها سر واعلان=انتم لنا وانا لكم يامشاكيل
يامارثة سباع وان ثار دخان=وركبوا عليها مقفياتً مقابيل
يومنها بالرمح والسيف شامان=ويومنها بالهجن وبقرح الخيل
فرسان اي بالله على الخيل فرسان=تروون حد المرهفات المصاقيل
قولً صحيح ويتبع القول برهان=وعندي على ذلك ادلة بتفصيل
انتم هل البل من قديمات الازمان=سود البكار اللي كما داجي الليل
سودً غرابيات ووجيها زيان=تطرب مع سمع الندا والهوابيل
حامينها في يوم زوغات الاذهان=لاصتكت جموع الطغاة المغاليل
واللي طمع فيها رجع وهو ندمان=من ضربكم يشكي من الهم والويل
يوم الجهالة والحرايب والاكوان=قبل يجي من بدل الحال تبديل
واليوم في حكم ابو متعب وسلطان=ودرب الشريعة ماحداً عنه يميل
وكل القبايل صاروا اصحاب واخوان=وعقب العسر تبدلت بالتساهيل

يامارثـة سبـاع وان ثـار دخـان وركبوا عليهـا مقفيـاتً مقابيـل يومنها بالرمح والسيـف شامـان ويومنها بالهجـن وبقـرح الخيـل فرسان اي بالله على الخيل فرسان تروون حد المرهفـات المصاقيـل قولً صحيح ويتبع القـول برهـان وعندي على ذلـك ادلـة بتفصيـل انتم هل البل من قديمات الازمـان سود البكار اللي كما داجـي الليـل سـودً غرابيـات ووجيهـا زيـان تطرب مع سمع النـدا والهوابيـل حامينها في يوم زوغـات الاذهـان لاصتكت جمـوع الطغـاة المغاليـل واللي طمع فيها رجع وهو ندمـان من ضربكم يشكي من الهم والويـل