الله من هم بروحي سهجها = بخافي ضميري في كنين الحشا لاج
احر من نار توقد وهجها = منها خطر روحي على سلك ديباج
وعين عسى المولى يعجل فرجها = يفوح ناظرها كما عين هداج
استرسلت للدمع من مارهجها = غيظ يكب عبارها مثل الامواج
كم واحدن له غايتن ما هرجها = يكنها لو هو للادنين محتاج
يخاف من عوجا طوال عوجها = هرجت قفا يركض بها كل هراج
يقضب عليك المخطية من حججها = حلون نباه وقلبه اسود من الصاج
الله خلق دنيا وساع فججها = وعن مايريب القلب لك كم منهاج
والرجل ان شطت لياليك سجها = عسى تواليها تبشر بالافراج