::: مـنتدى قبيلـة الـدواسـر الـرسمي ::: - دور اللي فالكرم مثل حاتم فالمقام( العتيبي والشيخ حفيظ آل حفيظ)

دور اللي فالكرم مثل حاتم فالمقام
قصيده وجهها الشاعر منصور العتيبي للشيخ الامير حفيظ بن عجب آل حفيظ الشكره الدوسري وقد قصده في اثناء عقيقة ابنه معاذ حفظه الله وقد اعظاه الشيخ ما قصده فيه كعادته دائما حفظه الله
الله أكبر لا بديت** جيته القاف ونويت** بيت يبنى فوق بيت** للكريم ابن الكرام
لا حداك الوقت قم** أنتهض لا تنكتم** دور اللي فالكرم** مثل حاتم فالمقام
صيرمي(ن) لا نوى**في دروبه مالتوى**فوق من فوق الهوى**ما تلفت فالخمام
ابن حفيظ ومن نصاه**ما توانى في حماه**قاصده ما اقصد سواه**قاصده وابدا سلام
و ابارك له في معاذ**اسمه على خير أفذاذ**على ابن جبل معاذ** على صحابي وأمام
جعلك أتشوفه داعي**ولدين المولى راعي**معاذ حفيظ الساعي**في رفعة دين الإسلام
معاذ حفيظ ابن حفيظ**جا بين الشتا والقيض**فالوسم جانا من فيض**جعله للإسلام أحسام
وبعد المبارك فالحال**قاصد(ن) خير الرجال**تكفى يا ذيب العيال**عيني عيت لا تنام
الرجال اللي تشوف** من عريضين الكتوف** اطيب واحد ما يروف ** منظره مثل الرخام
والرجال أبهم فزوع**من نصى يمه يفوع**لا سمع قولك جزوع**ينظر امرك باهتمام
قاصد ابن حفيظ وبس**وصله العلم وكبس**والنفس به مانحبس** شاهر(ن) فوق الغمام
عند الشيخ حفيظ أجي** دوسري ما ينحني**نارهم ما تنطفي** طيبين ومن حشام
جاي اشكري من قروم**نجمهم فوق النجوم** عالي وجعله يدوم**طيبهم جعله دوام
الخلف مثل السلف** من نصاهم ما نكف** ألا والعلم يرف**ناصبه فوق الخيام
أنتم هل البل من ضاري**لجا للمراجل طاري**اشكره ياهل السواري**من خوال ومن عمام
يا حلو الناقه واهلها**بعد ما هدو فحلها ** جات بكره من جملها ** ما يماريها تمام
نادره عند الدواسر**عند حفيظ الشهم الكاسر** ما تناقلها السماسر**بيعها عنده حرام
تكفى يا حفيظ الشنب** نارك ودايم تشب**تب يدين ابولهب ** لين يترع بالحرام
وانت من عد وعمد** شبل من ذاك الاسد**فالمواقف مارتعد**والفشق وسط الحزام
يا شيخ اشكي وش بقا**ما بقى غير الشقا**والحرامي ما رقا** بعد مافطر فالصيام
علمي وعندك وصل**وانت يا حفيظ البطل** غيرك لا يمكن يحل**ذيب مايهنى المنام
وانت من اصل واصول**جعل عمرك لي يطول** شيخ وشيال الحمول**يحفظك رب الانام
سمعتك مثل الجنيه**وابن عجب من ابيه**يالله فالدنيا تحييه**ياكل عمره مية عام
الله يسلم راسك** وعيون الله حراسك**عجب ابوك وساسك**صقر والحر القطام
عجب ابوك المعروف**بيته للكرم مكشوف**قلبه ما يعرف الخوف**جعل الجنه له مقام
عجب يعجب منهو جاه**احفيظ ابنه جيت انصاه**عمود البيت ومبناه**عجب وحفيظ المقدام
انخى عجب تحت اترابه**وانصى حفيظ بجاه احبابه**الله يرحم منهو جابه**يفرج هم المنضام
رب اخ(ن) مثل اخيك**ماجابته امك يشفيك**حي الحي دايم يحييك **والنفل اخو الخزام
والدنيا هذي دوره**شاتتنا مثل الكوره**الصوره طبق الصوره**ونتجود فالخطام
العدا ما تستريح**جعلني والله ماطيح** ما فالدنيا مستريح**كلن منظوره قدام
يزينها الله وتزين**صابر فالقسا واللين**يالله أنك لي تعين**واهتني حلو المنام
ولعن ابليس الملعون**ولعنو ياللي توحدون** مشغلنا مشغل فرعون**جعله للحصى مرجام
واشكر مولاي المعبود**واتبع الركوع أسجود**وابن آدم طعام الدود**يالله تحسن فالختام
والديانه ما تدري**دايم تبيع وتشري**أشغلوني من بدري**دايم تعرش فالعظام
والرجال الهم سجال**لا صغر بعض الرجال**الرجال ابهم جبال**والجبل شال الشوام
فزعتك تشفي الغليل**تبري القلب العليل**فالمواقف ماتميل** حد أحد من الحسام
ياشيخ حفيظ أعتمد**جعلكم ذخر وسند**طير يا طير السعد**فالختام الكم سلام
شعر منصور بن حمود بن عبدالله العتيبي