يقول من يكتب عذيات الالحان = والقافيه لامن بغاها طرقها
أحداً يجي قافه منضم ومليان = وأحداً يجي دلوّه شوي(ن) شلقها
الشعر سبك وذوق ويوزن بميزان = مثل السلاسل يوم يشبك حلقها
يجيك معناها على القاف مليان = والفايته محداً شرب من مرقها
والرزق عند اللي ينشي بالامزان = ترعد من المنشا ويبرق شنقها
يهل دفاق(ن) على الأرض ودان = عقب المحل بالسيل ينبت ورقها
تشوف نبته زاهي(ن) فيه الألوان = وريح الخزاما فيه يضهر عبقها
لاجيت بالمعنى على البيت مليان = والطيّبه كلً برايه عشقها
صلات ربي عدت النور لابان = وأعداد شمسً غايبه في غسقها
على النبي أعداد ماكاينً كان = على نبيً سنته نعتلقها