يالله مـن عيـنً تزايـد سهرهـا = النـوم ماجـا حجرهـا الاقليلـه
كن السقطري لاجين في نظرهـا = ودموعها تشدي عشـي المخيلـه
يالله يامحيـي الديـار بمطـرهـا = ياللي من الشدات تنجـي دخيلـه
يا فالقن وسـط الكواكـب قمرهـا = مــاخـــاب عـــبـــدن دايـمـاً يـشـتـكــيــلــه
ابرج لمـن كبـده تزايد سعرهـا = كنه على حامـي وقـود المليلـه
ياطامع الدنيـا وناسـي خطرهـا = خسران لو تقعـد سنيـنً طويلـه
من يامن الدنيـا وميلـت دهرهـا = سراي غـدراً تايهـن بـه دليلـه
لو تجتلد من برها الـى بحرهـا = ما للفتى ياكـون مـا قـد نويلـه
كـم واحداً قـد ذاق لـذه ثمرهـا = حدر الثرى هالـو عليـه النثيلـه
اخذت مناعير الرجـال وفخرهـا = وخلت محاويج الرخوم الهزيلـه
خطوا هبيلً عارتـه مـا سترهـا = ولاهوب يقضي حاجته من عميله
في شافت الحرمه ويتبع نظرهـا = شوره ورايه مـا تعـدا الحليلـه
لامن بغته لحاجتن مـا عسرهـا = ما حسب الشرهه ودرب الفشيلـه
عليه ترفع صوتها مـن ظفرهـا = مع دربها فى السوق يومي شليله
هذاك جعله حفرتن مـن حفرهـا = على رسوم القبر حطـو مخيلـه
حتيش لو عنده قصـورً عمرهـا = سراب ضحضاحً قليـلً حصيلـه
لاعاد ما عينـه وسيـعً نظرهـا = ويتعب على كسب الثنا والجميلـه
ونفسه الى جا واجبً ماذخرهـا = يسبق على شيل الحمـول الثقيلـه
ياطى معك عند اللوازم وعرهـا = هـذاك لاتاخـذ رفيـقً بديـلـه
وبعض الرخوم اللي كبارً صورها = مهـرات نسـوانً ونفسـه ثقيلـه
ضفراً يلى جاهوشتن ما حضرها = وينحـاش لاولـع زنـاد الفتيلـه
خله يـدش بغبتـن فـي بحرهـا = لاسايـلً عـنـه ولا مستسيـلـه
مشيك لحالك في منافـق ديرهـا = عزً ولاجمعـا اللوجيـه الرذيلـه
لازل صافيهـا وغثـرب كدرهـا = وعجز الردي محتال حمله يشيله
نمشي ولا ندرى عواقب خطرهـا = ونضرب على ما كاد بيه وسيلـه
وصلات ربي عد منور زهرهـا = علـى نبـيً دايـمـن نهتديـلـه

كـم واحداًقـد ذاق لـذه ثمرهـا = حدر الثرى هالـو عليـه النثيلـه
اخذت مناعير الرجـال وفخرهـا = وخلت محاويج الرخوم الهزيلـه
خطوا هبيلً عارتـه مـا سترهـا = ولاهوب يقضي حاجته من عميله
في شافت الحرمه ويتبع نظرهـا = شوره ورايه مـا تعـدا الحليلـه
لامن بغته لحاجتن مـا عسرهـا = ما حسب الشرهه ودرب الفشيلـه
عليه ترفع صوتها مـن ظفرهـا = مع دربها فى السوق يومي شليله
هذاك جعله حفرتن مـن حفرهـا = على رسوم القبر حطـو مخيلـه