|
قصيدة الشاعر شلعان وهو خارج الوطن
ياراكبا مـن عـنـدنا فـوق ثـنـتـيـن = افحاز مابين الترايب نـــحــورهــا فج العضوض معرشات الذراعين = شيب الغوارب نابيات ظهــورهــا لين الـقـاود ومـقربـات البعيـديـن = حمر تشاقرها تساحم شعورهـا اربـع سنـين حيل ويضـا زمـانيـن = زقم الحوير ماد غرفى نحـورهــا من مدرسه جيوان شالت كتابين = وقفت عسى ربي يزين بشورها اقفت عصير الشمس مثل القطاتين = ولا الصوارم يوم شافت نفتورهــا راحت تجاذب الأرض والعشر يومين = مرت على الهفوف تالي سحورها مروا وشافو جملة الناس ممسين = قالوا نبي في التوضيحيه فطورها ومقايلها بالديره ام البساتين = الافلاج يشرب غرسها من انهورها ومرت خشوم الفرد بين الصلاتين = مقطع سهلها يافتى من وعـورها بانت ارسوم احمام عد الجماعين = هو غايه مناها وفرحة اصدورها ربعا الى من شافوا الضيف طربين = تضحك نواجدهم وتظهر بشورها لامن لفيتهم حطوا العيد عيدين = ليل عليها من ليالي ســرورهــا ربعا على ذبح المواحيل ضارين = ماحسبوا نقصانها ومـخسـورها لعلهم بالنصر والعز باقين = دام القمر قمراه توضـي بنورها والله مانسلى ولاحنا بسالين = من دون ربع وافيات شبـــورها نطاحة العيال نزاعة الدين = لامن عطت صبح النواصي انحورها وسلااااااااامتكم اخوكم: الفارس |
رحم الله الشاعر الكبير / شلعان بن ظافر واسكنه جنته الاخ العزيز / الفارس الف شكر لك على نقل القصيده الجزله لشاعرنا الكبير واهنيك على اختيارك الرائع والموفق واشكرك على جهدك الطيب تقبل تحياتي ابو عبد الله الشكري |
مشكور اخوي الفارس و لاهنت على إيراد القصيدة الرائعة لشاعرنا المشهور شلعان
و لا تبطي بجيدك يالغالي ....... تقبل تحيات محب المنتدى / مترك المسعري |
الاخ العزيز الفارس الله يرحم الشاعر شلعان ويسكنه الجنه من كريم لمستحق ونعم بالجماعين والوداعين كبيرهم والصغير
|
بيض لله وجهك كثر ماهو ابيض يالفارس والله يرحم شاعرنا ويبيح منه
|
لاهنت يالفارس على اختيارك الموفق
والله يرحم شاعر الدواسر شلعان بن ظافر ويبيح منه لاشك انه قدم للدواسر اشعار لاقت اصداها في الجزيره العربيه غير الوصف في الابل والنصايح مانقول الا الله يبيح منه ويدخله فسيح جناته وشكرا لك مرة اخرى اخوي الفارس تحياتي لك--ابوشجاع |
الأخ الفارس
الله يعطيك العافية .. وبيض الله وجهك .. يالسنافي والله يرحم شاعر الدواسر .. شلعان بن ظافر اختيار موفق .. وقصيدة جزلة ومعبرة .. كباقي قصايد بن ظافر تقبل كل الود والتقدير أخوك في الله العرابي |
لاهنت أخوي الفارس على هذا القصيد الجزل,, ورحم الله الشاعر \ شلعان الودعاني تحياتي ,,,, ** الشرافي ** |
لاهنتوا جميعا على الردود والتصفح العطر
تحياااااااااااااااااااااااتي : |
بانت ارسوم احمام عنـد (( الجماعيـن))=هو غايه مناها وفرحـة اصدورهـا ربعا الى من شافوا الضيف طربيـن=تضحك نواجدهم وتظهـر بشورهـا لامن لفيتهـم حطـوا العيـد عيديـن=ليل عليهـا مـن ليالـي سرورهـا ربعا على ذبح المواحيـل ضاريـن=ماحسبـوا نقصانهـا ومخسـورهـا لعلهـم بالنصـر والـعـز باقـيـن=دام القمر قمـراه توضـي بنورهـا والله مانسلـى ولاحـنـا بسالـيـن=مـن دون ربـع وافيـات شبورهـا نطاحـة العيـال نـزاعـة الـديـن=لامن عطت صبح النواصي انحورها ونعم والله بالجماعين واشهدنهم يستاهلون المدح واكثر ، والله يرحم الشاعر الكبير شلعان ويسكنه فسيح جناته. الأخ الفارس يعطيك العافيه على ايراد القصيدة وماقصرت. |
لا هنت يالعماني على المرور والتعليق
|
الساعة الآن 02:37 PM
 |
Powered by vBulletin® Copyright ©2000 - 2025, Jelsoft Enterprises Ltd.
---