يازين حبك حط في قلبي فلوج = واصبحتنا من حبكم تايه الراي
قلبي كما قاع على الدرب مسهوج = هذاك رايح في لزوم وذا جاي
واللي سهجه من الغنادير عمهوج = اذوب ىفي ضحكه كما سكر الشاي
ياليت من ياخذ معه سجه وروج = من قبل لا للقبر تجريبي اخطاي
ياحظ ياللي تالي الوقت مفلوج = الصبر فاجأني وحضر لي دواي
صبرت صبر الشاطي لصفقة الموج = واخذت درس منه عفت التمناي
ياما وصلني من تلاميح وهروج = تلفي علي من كل عاذل ووشاي
في ساعة يظهر بها كل مرجوج = فرصة زمن وده يبي يدخل حماي
وقت الرخا ياتون فوج ورا فوج = كل على المرقاب تسمع له عواي
والا بوقت الضيق يظهر لك علوج = جعله فدى اللي رفقته وسط مخباي
كله لعين اللي جعل قلبي فلوج = غاية مناي وبهجة الروح ودواي