|
ياللي طلبتوا نبـذةٍ مـن قصيـدي ...... عن واقع المعقول لأنقص ولا أزيد
هذي قصيدة للشاعر بدر الحويفي من أجمل ما قرأت شعراً وأجزله والحقيقه أن الشاعر الحويفي شاعراً جزل ومقتدر وله تجربه حياتيه عامره فلقد كان مولعاً بالطير والمقناص .
ياللي طلبتوا نبـذةٍ مـن قصيـدي =عن واقع المعقول لأنقص ولا أزيد أنا غرامـي وإنبساطـي وعيـدي =تفريعة القرناس بأرضٍ بهـا صيـد إليا شطّب الصيحان روس الزبيدي =والعشب جالـه بالمثانـي عناقيـد والبدو مـا يبـدا لهـم بالشديـدي =تسعين ليلـة ماحكـوا بالمواريـد ضيـق بهـم در الغنـم والجميـدي =مايشربـون إلا حليـب المجاديـد والبل وبرها طار وأبـدل جديـدي =ورودم على الفطر سواة المجاليـد ومن فضل ربي كل يـومٍ تزيـدي =قامـت عشايرهـا تسـن المفاريـد والصبح تسمع للطيـور تغريـدي =ليل الشتا طوله عليهـن سراميـد هذيـك والله منوتـي ياعضـيـدي =لاساقه الله من صـدوق المواعيـد ماكفـه اتديـر لـرجـم المفـيـدي =وذوب على خشم الخدار ومشاحيـد مجهود من نـو الجبـاه السديـدي =وحصل لها قبل العقـارب تماديـد غثوه على روس الشجر والهضيدي =وسـاق وتساقـا للنفـود وتخاديـد وفيض على فيحان ريف المعيـدي =نبي لنـا بإشعـاف لوقـا مطاريـد على وسـوق مقربـات البعيـدي =من فوقهن يازيـن مـزح الأواليـد لافـرع النـادر وطلعـه وكيـدي =وحول على جول الحباري تقل حيد وسلط على الخرب النشيط العنيدي =حاسه وداسـه والحبـاري ملابيـد يقضي بها الصقـار يـوم جديـدي =في ساعـة مابـه وجيـه مقاريـد هذا هـوا بالـي وهـذا رصيـدي =سوق النظر بين السهال الجراهيـد لو كان من طرد الولع ما استفيـدي =فتقٍ بقلبـي واعـذروا يالأجاويـد ونومي تحت طل النجوم الجليـدي =عنـدي كنـب ومنجـد زل تنجيـد لو لامني خطـو الغشيـم البليـدي =طرد الولـع مابـه عليّـه مناقيـد وشوف الفياض المخضرة يالحميدي =وشمة ذعاذيع الهوى عندنـا عيـد وللكيف ذوق ولااستماع النشيـدي =لاقلطـوا رسـلان وإلا بغـاديـد ثنتيـن هيـل وثالثتهـن عويـدي =وكلٍّ على ماتطلب النفـس وتريـد وقدوعهن من طلع حدب الجريـدي =أحسن نمونه من نما شـرع الغيـد وسوالـفٍ ماقيـل فيهـا جحيـدي =والصيـد لانمّـة ولاهـي هرابيـد ساعات نقضيهـا ويـوم سعيـدي =ولادامت الدنيا لعامـر وأبـا زيـد الـدايـم الله والفـنـا للعبـيـدي =والرزق عند منـزل الـدر بالديـد محيي الهشيم اللي عروقه هميـدي =رزاق ماتحت الصخور الجلاميـد والله يدبرنـا عـلـى مايـريـدي =وصلوا على اللي وحد الدين توحيد |
الشاعر// بدر الحويفي شاعر غنّي عن التعريف وأغلب الاشخاص المتذوقون للشعر وأهله دائما يرددون بعض قصايد الشاعر الاخ الشاعر العزيز // سعد البريك سلمت يمينك على النقل وحقيقتاً أهنيك على حسن أختيارك لمواضيعك المطروحه في المنتدى وأعلم جيداً اننا عندما نشاهد الشاعر سعد بموضوع جديد ندخل وكلنا شوق لمشاهده ماوضعته من مواضيع الكلام يطول والوقت ضيق نوعاً ما وكلي شرف لكوني أول من يرد على موضوعك (( وأستغرب )) لعدم وجود ردود على هالمواضيع التي تستحق وبجدارة وتفرض على الاعضاء المرور والرد في نفس الوقت نقطه أخيره : أعذرنا على مافعلنا من تنسيق وغيره في القصيدة بأنتظار جديدك بشغف ،،،،، |
الشاعر الكبير سعد آل بريك
لاشلت يمناك يالقرم على إيراد هذه الرائعه والحقيقه الشاعر بدر الحويفي يعتبر من أكبر الشعراء في المملكة وهذه القصيده بالذات رائعه جدأ جدأ صح الله لسانك ولسان الحربي ودمت بهذا التوهج ياذيبان محبك ومغليك دغش البطي |
سعد البريك الله لايهينك على نقل جزل القصيد ولشعراء جزلين امثال بدر الحويفي
ومواضيعك دائما جزله ويسعدنا انا نقرا لمواضيعك |
الشاعر سعد البريك
الله لايهينك يالقرم على إيراد هذي الرائعه صح الله السان الشاعر والسان الناقل والحقيقه الشاعر الحويفي شاعر كبير من شعراء المعروفين واننتظر منك المزيد طالت حياتك والك جزيل الشكر |
أبو فهيد الله يرضى عليك ويرحم والديك أولاً علي تواجدك وثانياً على أطرائك أما عن ما أقوم به فهو جهد بسيط مقارنةً بما تقوم به أنت والأخوان ويعلم الله أن الدافع وراء ذلك الحميه الطيبه لقبيلتي ولأبنائها الكرام وعسى أن نوفق فيما نقوم به أما ماقمت به من تعديل فأنت تمون على الرقبه وش عاد موضوع نت ألا انا الي أبي منك ومن الأخوان العذر والسموحه لأني عليمي كمبيوتر وأحتاج من يعدل وراي يعني بأختصار راح أتعبكم. . . . |
سعد ال بريك
الله يعطيك العافيه واختيار موفق ولاهنت يا القرم |
ابو فهيد
الله لايهينك واختيارك لهذه القصيدة ان دل على شئ فأنما يدل على شاعريتك الفذة . |
|
الساعة الآن 02:30 AM
 |
Powered by vBulletin® Copyright ©2000 - 2025, Jelsoft Enterprises Ltd.
---