|
قصيدة الحربي بـ حشارة اهداء للشيخ سعد مبارك القرنين
هذه قصيدة الشاعر \ صالح بن حمود العياضي الحربي اهداء للشيخ الشيخ سعد بن مبارك القرنين وهي قصيدة بـ حشارة .
يازين وسط المزاين شوف حشـاره=الوضحا اللي مع القرنيـن يزهاهـا ياالدوسري ياسعد ياريـف خطـاره=تزهاك وضحا تموح البيد بخطاهـا وياكم كبد تذوب وراحـت صهـاره=من شوف وضحا كما المزنه حلاياها عيّا بها اللي تبين وبانـت اذكـاره=ببيوته اللي يشادي الحيـد مبناهـا تلقى الذرى والشحم والبن وبهـاره=وصفر ببن اليمن والعـود يبراهـا راعي هلا مرحبا بالضيف مع جاره=وان قلت تكفى لهيب النار ياطاهـا من لابة للحمر بالشلف نثاره = يوم المعارك تدور وتطحن رحاها ياناشد انشد عن التاريخ واسطاره = ينبيك عن الدواسر وطيب مجناها واعداد من هو يطوف ويرمي جماره = صلو على المصطفى سيد الملا طاها |
رد: قصيدة الحربي بـ حشارة اهداء للشيخ سعد مبارك القرنين
ياناشد انشد عن التاريخ واسطاره=ينبيك عن الدواسر وطيب مجناها لاهنت على النقل وصح لسان شاعرها ويستاهل ابن قرنين وتستاهــــــــــــــل المدح حشااااااره |
رد: قصيدة الحربي بـ حشارة اهداء للشيخ سعد مبارك القرنين
لاهنت أخي على نقل القصيده وصح لسانك ولسان قايلها ويستاهل الشيخ ابن قرنين تقبل تحياتي,, |
رد: قصيدة الحربي بـ حشارة اهداء للشيخ سعد مبارك القرنين
ياقوم ياحشارة
قل للحربي رح غن فيها عند ابن سعود حشارة اخذت وانا اخوك وقدهي عند ابن سعووووود يوم المزاين ساموها الرجاجيل بـ15000000ويقول ذي ناقت الدواسر مانيب بايعها واليوم خذوها الرجاجيل منه |
رد: قصيدة الحربي بـ حشارة اهداء للشيخ سعد مبارك القرنين
الاخ متعب الدواسر ....مرحبا
للتوضيح ..... حشاره لم تؤحذ و لكنها راحت في صفقة مقايضه مع الامير / سلطان بن تركي بمبلغ اكثر من سومتها في المزاين ......لرغبة الامير في اقتنائها ! وابناء الامير / تركي بن سعود رحمه الله لهم مواقف مع الدواسر تسوى 1000 حشاره ولو طلبو روس رجاجيل جاتهم فدا ! تقبل تحياتي |
رد: قصيدة الحربي بـ حشارة اهداء للشيخ سعد مبارك القرنين
مشكور اخوي على نقل القصدة ويستاهل الشيخ سعد بن قرنين القصدية الرائعة
|
رد: قصيدة الحربي بـ حشارة اهداء للشيخ سعد مبارك القرنين
صح الله لسان شاعرها ولاهنت ع النقل
تقبل تحياتي الـــــــــذرب |
الساعة الآن 04:38 PM
 |
Powered by vBulletin® Copyright ©2000 - 2025, Jelsoft Enterprises Ltd.
---