حدتني ظروف الوقت وجدي على المظهـار=وجودي على خوة هـل الكيـف والكـاري
قنوصٍ مشوا من خط رفحـاء يبـون يسـار=معا فيضـةٍ فيهـا ذكـر بعـض الاذكـاري
على الذكر راحوا عقـب ماجتهـم الأذكـار=لقـوا جـرة حبـاراً لهـا عـدة مــراري
بعد مالقوا ثرهـا وقـف راعـي الفكسـار=وخذا برقع اللـي دايمـاً بالطلـع ضـاري
عديم الوصايـف لاطلـع يعجـب الصقـار=عديم الوصايـف مـن صواريـم سنجـاري
عريض المجس واطراف موسه ماهن بقصار=ولـه مفـرعٍ يشتـاق لـه كـل صقـاري
بعد ماثبـت طلعـه توجّـه جنـوب وطـار=على اللـي تنجّـم عقـب ماشافتـه طـاري
وحقل وارتفع معها وضيّـق بهـا المعبـار=ومن بعدهن في الجو غدن كبر الاضفـاري
وضربها بكفـه ضربـة المرهـي المختـار=وحوّل بها مثل الشلـو غصـب وأجبـاري
وضحّوا لهـم فـي خايـعٍ والنبـات كبـار=تشوف العشـب متكبّـر عقـب الامطـاري
ومعهم حطب سمـرٍ وحطـوه فـوق النـار=وقـام المقهـوي يشعـل النـار بالـنـاري
وبهّـر ثـلاثٍ كـل منهـن بـزود بـهـار=وخـدّر بريـق الشاهـي وحطـه يسـاري
وصكّوا عليه رجـال عـرفٍ تعـز الجـار=طحاطيح قـومٍ تكـرم الضيـف والجـاري
ليـا مـن بدالـك حاجـةٍ ماتجيـب أعـذار=تشيل الحمول الباهظه ,, نسـل الأخيـاري

و الا يا حسين الدوسـري عمـدة الشعـار=وفيت و كفيت و طبت في نظـم الاشعـاري
تمعّنت في نظمك و انا ما اجهـل الاشعـار=يبين الـذي بالطيـب و المعرفـه ضـاري
قريتـه، و دق بضامـري دقـة المسـمـار=مساميـر عمّانـي مـن الفـاري الـنـاري
علامك تغربلنـي بذكـر القنَـص و الـدار=و انا غربتـي يـدري بهـا ربـك الـداري
لو انـي بـدار ٍ كـل ابوهـا زهـر نـوار=غريبٍ وحيـد ابعيـد عـن ربعـي و داري
اشوف الزهر يا حسين ما كن فيـه ازهـار=و نـوّار دار الهجـر مـا هـوب نـواري
لو ان المراد البعـد مانـي عديـم ابصـار=اقص التذاكر ما احسب حساب الاسعـاري
لكن البلا الـلازم لـزوم اكمـل المشـوار=و لـو ينفـع المعـذار سمّنـت مـعـذاري
تصير الحقايق غار و اللـي ترومـه غـار=علـوم ٍ عسـى الله بـس يجبـر تصبـاري
تقول القنص و الطير قلت: "ابك وان الطار"؟=ألا وا مطيـر القلـب و اطـول مهجـاري
تقول النشاما... قلت: ليش اكشف الاسـرار=تبا مرجله من شلـة ستيـف أخـو مـاري؟
علوم طويله يـا حسيـن و عسـاك مجـار=من اللي علينـا يـا عميـل الوفـا جـاري

مجارة ابن ثعلي جواهر مـن المحـار=وذي عادة الشاعر من الشعر يختـاري
ابي مثل شعره والذهب صار له معيـار=مثل من يـدور جـرةٍ هبهـا الـذاري
وجتني بنات الفكر ورداً عقب مصـدار=وقمت استعيد الذاكره عقب الاسحـاري
بدر لـه طمـوحٍ ماتغيـر مـع التيـار=تذكر دياره يـوم جـا للقنـص طـاري
وهذي ظروف الوقت ما أحدٍ بها يختار=ومن لا صبر ماينفعه كثـر الاشـواري
وانا حاضراً باللي يبي مكـرم الخطـار=على راي شيخٍ من طويليـن الاشبـاري
من اهل الوفا اللي طيبهم ماعليه غبـار=جمال الحمول اليا برك كـل جضـاري
ليامن رجع نقنص بقفراً عليـه امطـار=مع خايعٍ ممطور فيـه القطـا سـاري
على اللكزس البيضا وشاصٍ عليه قشار=نسنـد مـع فيحـان ونلـد الانظـاري
ليا ربعت دار الولع بـاول المخضـار=ديارٍ من الوسمي بهـا نبـت صفـاري
و هبت نسانيس الشمـال وهواهـا دار=وقام الطّفل يصبح على روس الاشجاري
تساوي حياة اللي تـورط مـع التجـار=على شاشة الأسهم غـدا بايـعٍ شـاري

انت ابن زايد ، و حي آلاد زايد من قبيله=جعل ما يبقى لمن لا شاف طيبتكم بقايـا
انتم الشعر الجزيل و غالي المنطق جزيله=و انتم أيامً من التاريـخ صفحـاتً نقايـا
غير من ضرب يفرّق كل خلٍ عن خليله=و ماقفٍ مليان بالنخوة و مليـانٍ حمايـا