::: مـنتدى قبيلـة الـدواسـر الـرسمي ::: - { الإبن آلصالح والإبن الطآلح } ...!

السلام عليكم ورحمة الله وبركاته ::

أترككم مع القصيده للشاعر عبدالله الطنيني الشهري

من ديوان { أناشيد المجد }
/
(الإبن الصالح والابن الطالح)

/

يالله مـن فضلـه علينـا وجـوده
فضله عظيمٍ مـا تحصيـه القـلام

رجـاك عبـدك للفضيلـة تقـوده
يعطي من افكاره تجاريب واعْـلام

وقتٍ من التغييـر جنّـد حشـوده
قسّم شباب اليوم الى عـدّة اقسـام

بعض العيال يِفَـرَّح ابـوه صوتـه
وجْه السّعَدْ وجهه وللخيـر مقـدام

يسمع لتوجيهـه ويـدرك سكوتـه
في البيت مضيافٍ وفي الخصم لطّام

في المجتمع صالح وبيضٍ كروتـه
ما جرّته للوحـل عثْـرات لقـدام

له سمعته بيـن البرايـا وصيتـه
ماينثني عزمـه لتحقيـق لحـلام

وبعض العيال يفضَّل ابـوه موتـه
حتى يجيه الليـل يرتـاح وينـام

ياكم تحمَّل دَيْن مـن شـان قوتـه
يرجيه يفزع له علـى مَـرّ لعـوام

كبر الغلام وصـار قربـه وفوتـه
يجْلب لبوه الهـم والغـمّ واوْهـام

سيّارتـه وجيـوب ثوبـه وكوتـه
ما تحمل الاّالشرّ واسبـاب لسقـام

له شلّة يخشـى سمرهـم يفوتـه
يسهرطوال الليل وان نام مـا قـام

خسران فاشل راس مالـه بَلََْوتـه
كسب الّرذيلة من خليعـات لفـلام

وان لقي شيٍّ في طريقـه يشوتـه
في كل حارة له تفاحيـط وصْـدام

يارب يا رزّاق في البحـر حوتـه
أصلح شبابٍ دينهـم ديـن لسـلام

من لاذ بك يـا رب تعمـر بيوتـه
وتسجِّله في بِيْض صفحـات ليّـام

واختم بذكـر الله تعالـت صفاتـه
واذكر محمد فـي تخاتيـم العـلاّم

وســـــــــــلامتكــــم