|
الشعر والسيارة والمواقف؟؟!!
السلام عليكم ::
دائما او غالبا (ان صح التعبير ) للشاعر موقف مع السيارة اما موقف اعجاب ولا حياد ولا كره او موقف نكبة;) لذلك نريدمنكم بعض المواقف اللي سمعتوها اوقلتوها عن السيارة والشاعر هذا مثلا بندر بن سرور يتغنى دائما وابدا بالسيارة من نوع (الفرت خاصة) والجمس والدوج والونيت منها يقول:: لا تجربونه ما يبي (الفرت) تجريب* قد جربه بالبيت الابيض خبيره وقال ايضا في مدح الفرت:: ولا ياصله يا كود (فرت) وراه اصطاب*لا حاسب لسواق تشر مواخيره صنايع بياطير الكفر لابسين الكاب*عصاة اليهود اللي مشاريبها البيره (فرت)خمسة طن يا خذ مية ركاب* من المال يعن ينقلنه تغاييره لاوهني اللي عن الودما قد تاب*وانا تبت عنه وعدت له يالله الخيره وقال في الهاف:: مركز الكبريت لازم يسهجن له***يسهجن له مقفياتن مقبلاتـي من يسب الهاف جعله فدوتن له **جعل يفدنه غنادير البناتي لانهمت الهاف جاك (الفرت)كله**كنه يشرب من غراش المسكراتي وقال في الونيت:: يا هل الونيت اللي شقوا الدهو شق**يفجر سريع مصفرات السراعه قولوا له ترا بندر تدهور واكل..*خانه ربيعه جعله امحق رباعه هذي مواقف مدح واعجاب................ لكن فيه مواقف نكبه ,,مثل واحدن غرز به موتر عراوي والعراوي القديم قوته ضعيفه ما غير 1200,,المهم انه غرز وقال هاك البيتين مستعجل _بدون كوي:d يالعنبو شكلك ياوارد عراوي**كيف تغرزين بنا وانتي جديده تطلبين اثنين والقاع متساوي**جعله مايبقا حديدن مع حديده واللي عنده شي يعطينا تحياتي,,, |
وعليكم السلام ورحمة الله وبركاته حياك الله .... يابن دهمش هذه أبيات من شعر ... بن سرور في الفرت ..
من فوق فرت يوم يرخى المتوني= جول القطا اللي وارداًعقب مرواس
راكب اللي يوم طب من النفودي = كن صلفات الهبايب عج ويله صوت سيره يوم غنى بالعمودي = صوت ذيب وارداً راس الطويله
ياهل الونيت اللي على مدقمه ميم = نقل الرياض الخط ماتوصلونه صناعتة مخطين ملة ابراهيم = حمران روم لونهم مثل لونه مارهموا له بالكراجات ترهيم = ولا طلعو كبريترة ينفخونه والله لو امسك طارته يالمغانيم = ماعاد اقلد دولة يصنعونه
الله على اللي يوم يفتل عموده = يطلع ثرى ارض بعد القيض ماها ليااونس ثقيل الترس يرسي عضوده = شيهانة ترخي المتون لعشاها يامنير دوك الفرت واخذ الفواتير = افحص عليه ودخلة بالكراجي اللي يبي بنزين ركب مواسير = واللي تبيه النار ركب بواجي
الا يا نديبي فوق من ينطح التهريب = ليا عدّ ميه قام يلعب دركسونه أبى ابعد عن الشرطة وأفارق جنود الذيب = لدار يبيدن الونيتات من دونه وياحن قلبي حن فرت بعد توضيب = تحت خارجي ماطفت نار غليونه أخوك في الله العرابي |
وعليكم السلام ورحمة الله وبركاته حياك الله .... يابن دهمش ولاهنت على طرح هذا الموضوع وعندي مشاركة للزلامي
أنا أشره على اللي يشتري الجمس ويبيعه=ياكود حدَه حال من بعض الأحوالي أنا ويش أبي بالجمس لولا مراميعه=إليامن هواجيس العشى ضيقت بالي تنحرت به دوٍ تطارد جرابيعه=رفيق الرفيق إليا عطى العثعث الخالي وقال الزلامي أيضاً
أنا أشهد إن الجيب مايستويلي=وإنه حلالة قوم ماأعرف طبوعه جيبٍ ذبحني ذبح وأظهر حصيلي=وحصيله اللي في الأديتر يزوعه وقال شاعر مري
عسى الدوج يفدى موتري لاأبعد المرواح=إليا من زمى جالٍ ودونه تماثيلي إليا من زهمت الفرت ثوَر وراه رياح=معاصير صيفٍ قافيتها المخاييلي |
|
بيض الله وجهك ولاعدمناك على هالموضوع الطيب
وانا عندي بيت اشاركم به وهو كان فيه رجالن بدوي بمنطقة الحسا وشافله واحدن حاو يسوق الونيت الرفارف ومحمله ربيان فتمثل بهالبيت ولا تحضرني القصيده يقول: واعزتي للجمس من عقب النشامه....محمل(ن) ربيان والقايد حساوي |
بيتين من قصيدة لبن جدلان...
زين الجميحي لا سرا والعباد خفوت = يبي لازمن متغانمه قبل لايفوته
لاجا مع الأرض العتش كنك تشوته شوت=كنه المظلي لانزل من براشوته |
العرابي ,,بيض الله وجهك
ومشاركاتك تعطينا حماس الله لايهينك تحياتي,, |
دغش البطي ,,لاهنت على التعليق والتنسيق
اطلالتك تشرفنا الله يطول في عمرك تحياتي,, |
المنعـــور,,مشاركة رائعة
وتعليق اروع...ابن قضعان شاعر متميز تحياتي,, |
ابن مشخص المســعري ,,
لاهنت يالذيب ..مرورك يسعدني تحياتي....... |
ابو عبدالمحسن المسعري,,
ابيات رائعة من ابن جدلان ..وابن جدلان شاعر يجبرك على الاعجاب حقيقة لاهنت يا صقر النايفات الطوال,,توقيعك ماشاء الله شي |
هذا واحدن يمـــدح (الدوج)
ويقول فيه:: الا يا نديبي فوق دوج عليه شراع *ما قال انفخ التشريق جا في مواصيره ليا هبت العليا وقام العجاج وراع**بيهيضك مع السكه تزاوغ معاصيره صايع يهود لا يبدل ولاينباع***يقـــربك من دار ويبعدك عن ديره بعد طلعوه امشيك مايبي المرجاع **سمع ون وراه الفوج غنت مواصيره ليا دق سلفه قام صوته يرج القاع**ما جاه المعاون يشتغل في مساميره عطاه اثنين وداس له بالابنص وفاع**رزيمه رعد مزن تهلع دناقيره خرط له بثالث عقب نشه بعزم وزاع**شتله برابع ما يضيع تغاييره ليا شال عزمه ريحه امن مايرتاع ****مسك مع يمين الخط ويلدللنبيره عطونا يا هل المواتر _الشاص والجموس البهبهانية_ تحياتي,,, |
الغالي : فهد الدهمش أشكرك على موضوعك الجميل وإليك هذه المشاركة البسيطة علماً أني لا أعرف قائلها : راكب اللي مقدمه فيه تمثاله 000 مبتداه الجيم والسين تاليها لا مشى من سرعته يسبق ظلاله 000 في دقيق يصل العين غاليها منوة اللي في العشي حالته حاله 000 دمع عينه فوق خده يخبيها ليت منهو عندها يشرب بياله 000 عنوة المسيار لا جيت ناصيها وليت ابوها عم ولا أمها خاله 000 واطلب المزيون بالمال واشريها والمعذرة لعدم تمكني من الإتيان بالقصيدة كاملة وللجميع خالص تحياتي |
هلا بالغالي ومرحبا
وبيض الله وجهك على القصيدة واظنها في الجمس لاهنت يالذيب ... تحياتي.. |
وهذه قصيدة اخرى في مدح الفروت....
يقول الشاعر:: راكب اللي من الحفيرة للحدودي*عقب العشرين طبلونه اميتينه فورد نوع كلاسيكي ماله طرودي*ابيض بالبيت الابيض صانعينه يرفعنه نايماتن بالعمودي**والهواء والنار يرخن المكينه يوم مر خريص مع عرق النفودي*قامت اصوات القيامه في المدينه تحياتي... |
الساعة الآن 04:29 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
