::: مـنتدى قبيلـة الـدواسـر الـرسمي ::: - الشـاعـرهـ عابـرة سبيـلـ {الله يرحمهـا ويرحمـ جميعـ اموتـ المسلمينـ }

- :: قسم الـشعر العــام :: (http://alduwaser.org/vb/forumdisplay.php?f=16)

الشـاعـرهـ عابـرة سبيـلـ {الله يرحمهـا ويرحمـ جميعـ اموتـ المسلمينـ }

السلام عليكم ورحمة الله وبركاته

آخر ماقالته الشاعره الكبيره المرحومه بإذن الله ( عابرة سبيل ).

قبل وفاتها بساعات ووجهتها لزوجها..

عندما خرجت من المستشفى سوالهـا زوجها ذبايح فرحا بعودتـ زوجتهـ الغاليهـ

لكنهـا لمـ تدمـ إلا قليلا حيثـ وافتهـا المنيهـ بعد خروجهـا جراء المرضـ .

وهذهـ الابيـاتـ توضح و تبين ثبات المؤمن وقبوله بقضاء الله وقدره

ومـا تحتـويهـ منـ عبرة كبيرة للمؤمن

وأن كل إنسان سائر على هذا الطريق

وأن الكل راحل لامحاله إن طال عمره أو قصر

أترككمـ معـ آخـر دررهـا

:::

ترى الذبايح و أهلها ما تسليني
أنا أدري إن المرض لا يمكن علاجه

أدري تبي راحتي لايا بعد عيني
حرام ما قصرت يديك في حاجه

أخذ وصاتي وأمانه لا تبكيني
لو كان لك خاطرٍ ما ودي إزعاجه

أبيك في يديك تشهدني وتسقيني
أمانتك لا يجي جسمي بثلاجه

لف الكفن في يديك وضف رجليني
ما غيرك أحدٍ كشف حسناه واحراجه

أبيك بالخير تذكرني وتطريني
يجيرني خالقي من نار وهاجه

سامح على اللي جرى ما بينك iوبيني
أيام نمشي عدل وأيام منعاجه

همي عيالي وأنا اللي فيْ كافيني
علمهم الدين تفسيره ومنهاجه

وبعد وفاتها رد عليها زوجها بهذي القصيدة الرائعة والمؤثرة:

:::
حاولت أنام وحاربت عينــي النـــوم ** وجاريت صوت مثل صوت الذيابـــه
الجفن كنــه بوسطه هــــــــــــزوم ** ودموع عيني مثل رش السحابــه
على وليف (ن) قالوا اليوم مرحــوم ** راح وتوفــــى ما تهنا بشبابــــــــه
زرت القبور اللي على بعضها رسوم ** و حطيت رسم فوق ذيك النصابـه
قلبي من الدنيــا عليل ومسمــــوم ** والرسم توه عقب حطت كتابــــــه
أحبها مير القــــــدر صار مقســــوم ** و تحبها كل الأهل والقرابـــــــــــه
المــوت أخذ شجعان وقروم ورخوم ** وأخذ رسول الله وكل الصحابـــــه

الله يرحمهـا ويرحمـ جميعـ أمواتـ المسلمينـ