ينطح الخيل قرمن مثل هادي=حربته من دم العدو مرويـه

يابنت ياللي زينت ممشى جملها=شومي لهادي والربوع المستحين
لا نشفت الارياق ابو عثفر بللها=يطعن على الشقرا وربعه منتحين
كم دار خوفٍ قدم ربعها نزلهـا=واعداه قفوا عقب ماهم مقبليـن

يالله عسى دار الزقاعيـن رجعـان=اهـل السلـوم الطيبـه والحمايـا
كرمان وإن ركبوا على الخيل ظفران=يتلون ابو عثفـر زبـون الحفايـا
يتلون هادي وافي الفعـل وافنـان=اللي نهار الكـون يخلـي السبايـا
في ظف ابو عثفر رعى القفر ذيدان=خيَـال سحـج بكارهـا والخلايـا

قولو لفهاد اللقم1 يطوي اليـاس=خيله دمرها عثفـراً بالطـرادي
واللي دمرها جاره الله من الباس=من فوق شقرآ كنها الحر بـادي
من ضربته جا لحصانه تطحاس=كله لعينـا مقرعـات التـوادي
هو يحسبنا من مراسيل عبـاس=وحنا مروية النمـش والهنـادي
سهول لا ركبوا على قب الافراس=حريبنـا مايهتنـي بالـرقـادي
حنا نطحنا الروم شينين الالباس=على العويند يوم جونا جـرادي2
قايدهم اللي يلبس الدرع والطاس=رماه عثفر3 للوحش والحنـادي

يالله يا منجي الدريك مـن المـلا=تنجي الكحيله من صواديف الشرور
وتفك عثفـر مـن مقاديـر البـلا=خيالها لا من هبـا كـل معثـور

وعثفر اليا منه نطح لـه دحاميـل=امحاربـه ينكـس ذليـلاً ولافــاد
قلايعه في الكـون قـب مشاويـل=وربعه معه في الحرب باسياف احداد