معقول هذا الشيء يا ناس قد صــار=معقول هذا اللي نشوفه يصيـري
معقول لا لا ماتخيل هالأفكار=انا نشوف البنت تلبس قصيـري
تلبس بناطيل وتنانير قصار=بلايز ماتستر إلا اليسـيـري
والصدر مكشوف على كل الأنظار=والبطن يظهر سره المستديري
ياللأسف صار التعري له أنصار=والستر مستنكر ولاله نصيري
قل الحياء والدين خوف من النار=والخوف من رب سميع بصيري
معقول هذا الشيء يا ناس قد صار=معقول هذا اللي نشوفه يصيري
الرجل مستور وهي سترها طار=مع التحرر والتمدن يطيري
تمشي مع الموضه ولا همها إنكار=من ينكر المنكر وعنده ضميري
تشري ملابسهاوتلبس وتختار=اللي تبي وتقول أنا مثل غيري
تدفع على اشراء الماركه أغلى الأسعار=ولا عليها من صغير وكبيري
تقول خلونا على كيفنا أحرار=كلن على كيفه وفكره يسيري
والأم تدري مالها رأي بالدار=لاتستشار ولا على أحد تشيري
والرجل مسكينن يدبر ويندار=ما عنده أمر وما بغنه يصيري
سواقهن يضرب بهن كم مشوار=للسوق والمشغل ويم الكوفيري
هذا زمان فيه الأخلاق تنهار=بإسم التطور إنهيار خطيري
ربتهمmbc على الفحش والعار=واللي بروتنا سقيط ودشيري
والـ LBC نشر الرذيله لها شعار=أم التعري شرها مستطيري
والـ art فيها بلى كل الأعمار=مزابل فيها فساد كثيري
أخص في هذا ولا أعم الأخيار=اللي بهم في كل الأوقات خيري
معقول هذا الشيء يا ناس قد صار=معقول هذا اللي نشوفه يصيري

صح بدنك أختي العنود

والله يعافيك

ولاهنتي على المرور المعطر

هلا اخوي ابو محمد


يعطيك العافيه على المرور