::: مـنتدى قبيلـة الـدواسـر الـرسمي ::: - عبدالله سعود الشيباني + حمد غالب الدليم الرجباني

السلام عليكم جميعا

اطرح لكم المحاوره اللتي جرت هذي الليله

في منتدي ميدان الشعر

وكان فيها الميول وتعديل ابيات الشيباني من قبل المشرفين

عبدالله سعود الشيباني

بعد ماجيت عند أهل الوفـا ماباقـيً ياكـود
أسلّـم,, ياسـلام الله عليكـم والله الوالـي
ولا ياأهل الكرم وأنا ولد مشيب هنا موجـود
وألامن حانت الساعة حظرت وصغت الأمثالي

حمد الرجباني

ياعبدالله بعد ماجيت علك جايبلـك فـود
هلابك يالمسلم عد من يسري الخلا الخالي
تهرج يابن مشيب قدمك فهود تحوف فهود
عساك اليا بدعت القاف تنقى بيوت جزالي

عبدالله سعود الشيباني

تركّد لاتطاماني وأنـا عبـدالله أبـن سعـود
طمرت الحاجز الأول وويلـك تطمـر التالـي
أبنشد صاحبي حمدان وش صار بظروف حمود
سمعت أنّه الزمن كشّر وبانت غبر الأهوالـي

حمد الرجباني

ونعم بك كفو من لابة فيها الكرم والجود
ولكن لا تهددني انا مانيـب عيالـي .
اظنك تعرف القصه ولا يبغالها منشـود
واظن حمود مايفقه تغره بعض الازوالي

عبدالله سعود الشيباني

بعد ماجيت أبنحت من صخر وببذل المجهود
وبعصب راسي بعمّة ويثبت فوقهـا عقالـي
تقوله وأنت من بعده طلعت الخايف المضهود
وصار السر واضح ياعريب الجـد والخالـي

حمد الرجباني

تعصب الراس ولا تربطه ما شفتنا مقصود
توقع يالغليم واسترح في فـي وضلالـي
تحاول ما تحاول كل باب تطرقه مسـدود
والا ياشرهة الرجال صابه رعب وجفالـي

عبدالله سعود الشيباني

ولا ياصاحبي وشفيك تنقز والعبـاد رقـود
ترانا مانبي نزعلك ثـم نضربّـك الجالـي
بحاول وأخذ المقصد وأغنّي مع هبوب النود
وأظنك ماتحمل فالقوايل وأشهـب اللالـي

حمد الرجباني

الا يا عتيبه الهيـلا اظـن ان الولـد مقـرود
معه مشعاب يوميبه واظنـه صابـه هبالـي
تغنى مع هبوب النـود ودوه وانتبـه للـذود
وفي جيان حلبان اصرف ذهب لا تصرف ريالي

عبدالله سعود الشيباني

تـرووا يامخايلـة البـروق فهالليـال السـود
وكانـك ودك أكمـل وأكـدر خاطـر السـالـي
حلبان أهل الشرف وأهل الكرم وأهل النقا والزود
ولا في ديرتي غيـر الكـرم ورجـال الأفعالـي

حمد الرجباني

عسانا ما التفتنا في العلوم وما حصل منقود
لاكن بعض العلوم تجيك من صغار جهالـي
تراها باقيه والوسم بين من عصور جـدود
عساك ترجع اللي راح مع ذربين الافعالـي