الذبايـح و أهلهـا مـا تسليـنـي=أنا أدري إن المرض لا يمكن علاجه
أدري تبي راحتي لايا بعـد عينـي=حرام ما قصرت يديك فـي حاجـه
أخذ وصاتـي وأمانـه لا تبكينـي=لو كان لك خاطرٍ ما ودي إزعاجـه
أبيك في يديك تشهدنـي وتسقينـي=أمانتك لا يجـي جسمـي بثلاجـه
لف الكفن في يديك وضف رجلينـي=ما غيرك أحدٍ كشف حسناه واحراجه
أبيك بالخيـر تذكرنـي وتطرينـيي=جيرني خالقي مـن نـار وهاجـه
سامح على اللي جرى ما بينك وبيني=أيام نمشـي عـدل وأيـام منعاجـه
همي عيالي وأنا اللي فيْ ..كافينـي=علمهـم الديـن تفسيـره ومنهاجـه

حاولت انام وحاربت عينـي النـوم=وجريت صوتٍ مثل صوت الذيابـه
الجفن كنه صايـر وسطـه هـزوم=ودموع عينـي مثـل رش السحابـه
على وليـفٍ قالـوا اليـوم محـروم=راح وتـوفـي ماتهـنـا فشبـابـه
زرت القبور اللي على بعضها ارسوم=وخطيت رسم فوق ذيـك النصابـه
قلبي مـن الدنيـا عليـل ومرسـوم=والرسم تـوه عقـب خـط الكتابـه
احبها ميـر القـدر صـار محتـوم=ويحبهـا كـل الاهـل والقـرابـه
الموت اخذهـا وودع القلـب مثلـوم=جـرحٍ عميـق مايـداوي صوابـه
والموت أخذ شجعان وقروم ورخـوم=واخذ الرسـول وباقـي الصحابـه