السلام عليكم ورحمة الله وبركاته:

صوت المواطن أو مجلس الشورى للوزن الثقيل سلطان الهاجري
صوت المواطن ليا عبر عن شعورة *** صرخة ندى ياولاة أمر المسلميني
أما برى الجرح ولا مــــات دكتورة *** الحـل بيدينكم مــاهوب بـيدـــــيني

مواطن لانشدك احد عن امـــورة *** وش يعني صفر مكعب بين قوسيني؟
بلادي اغنى بلد والشرع دستورة *** وغلاه يجري بدمي وفي شرايـيـــنــي

احيان اسج القدم والحال مستورة *** واحيان ماغير اســد الدين بالديني
ناديت ماوحيتني يامجلس الشورة *** والله مدري متى عادك بتوحينـي

واءعضاءك لو تعتذر ماهيب معذورة *** تلفيق الاعذار يزعلني مايرضيني
ناس تجامل وهي ماهيب مجــبــورة *** حتى ابتساماتها ماغير روتــيــني

والشعر له دور والشاعر هذا دورة *** أوضاع شعب الوطن لاشك تعنيني
ومسابقات الشعر ومتابع الكــــورة *** اهم منها معاناة الملاااااااايينـــــــي

رغم اني اشجع الازرق وجمهورة *** هلالي بحت من أول وذلـــحينـــــي
لكن مايطلع الرجال عـن طورة *** الا خطـا يفطر كـبود البعارينـــــي

واليا متى خطر الاجواد مكســورة *** وانا كذا كسرة الخطر تبكيــــنــــي
هذي رسالة بعض شعبك ياخو نورة *** كلُ يقول تكفى لاتخليــــنـــــــي

هذي هي اوضاعهم بالشكل والصورة *** وانت مغيث الفقارى والمساكيني