تلعب طرب وانا بنومي هواجيس = ماسامرك بالليل كثر الهمومي
أسهر إلى نامت عيون الهداريس = بالليل أساهرساهرات النجومي
أونس بقلبي مثل صلي المحاميس = الله يـلوم اللي لحالي يلومي
قالوجهلت وقلت جهل ٍ بـلاقيس = الجاهل أللي مايعرف اليمومي
أشوف عـدلات اليالي معابيس = ولأحد ٍ من الدنياعظامه سلومي
ماينبني بنيان من غير تاسيس = ومن لاتعلم مـا تثيب العـلومي
ولاخير في كثر الحكاوالتماليس = وقول ٍ بلافـعل ٍ يجيبه وهومي
واليا ركبت إمعالجات المضاريس = يبردعلى كبدي لهيب السمومي
بالليل أصالي حاميات المحاميس = والصبح أصالي كل قبّاوكومي
وأقفن بنا مثل النعام المماريس = إلى هف عجل ٍمع رفيع الحزومي
نستلحق أللىّ يطلبون النواميس = أللىّ من الاقصين وأدنا اللحومي
ولومي على أللي ينقلون العبابيس = أهل الفرنج وكل رامي لحومي
وشلف ٍ تركب بالرماح الأناسيس = وسلت المهار وكل قبا قحومي
والعز فوق معسكرات السواديس = إلى قصدت اللي بالاشيا رحومي
قب ٍتنازا بالنـشاما كـراديس = والطير في روجـاتهنه يحـومي
إن جن بالميدان مثل الدواويس = وتعـاقبوا من فوقهن السـهومي
عرِّج بهـلهن كنهن القرانيس = على الطريح مصوبرات ٍ كضومي
حتى يزين إلنا المثل والتوانيس = والكيف طاب لمن يفك القحومي
ومن لايقلط شذرة السيف والكيس = يصبح عليه من الليالي ثلومي
ومن لايدوس الراي من قبل لاديس = عليه دا سوه العيال القرومي
ومن لااخـذ الدنيابميز ٍ وتقيـيس = مثل الذي يسبح ببحر ٍ يعومي
كلّ القلم من كتبنا بالقراطـيس = وركابنا من كثر الادلاج تـومي
وشيخ ٍ لنا يعطي الفقارى المفاليس = عسـاه بالـدنيا بعز ٍ يدومي
حـر ٍ ليا دبت عليه النواميس = إليا اعترض جول الحباري صرومي
اليا اكترب من بعض الاشيا سبابيس = أعزم ولا بد الفرج للعزومي
ثوب الفرح لبسك نظيف الملابيس = إن قيل بايام الكرب والزحومي
واعمـل وتلقا وفهم العلم بالقيـس = دنيـاك لو زانت تراها نقومي
تضحك وتخفي لك خفي الهناديس = تفطر لنا يوم ٍ ويوم ٍ تصومي
أربع اسنين ودمع عـيني أماريس =العين تسهر كن فيها الهزومي
يجلى صدا قلبي ضبيح المهاريس = لاجاك شراب الحشايش يعومي
ودلال فوق النار دايـم محـابيس = إكرامـهن دايم علينا لزومـي
ابهارهن عشر ٍ بليــا دنافيـس = كـيف يعدى لنشاما القـرومي
عده لحمــاي الجياد المراويس = والا الحصان اللي بقيده يهومي

ومن لايقلط شذرة السيف والكيس = يصبح عليه من الليالي ثلومي
ومن لايدوس الراي من قبل لاديس = عليه دا سوه العيال القرومي
ومن لااخـذ الدنيا بميز ٍ وتقيـيس = مثل الذي يسبح ببحر ٍ يعومي

المشاركة الأصلية كتبت بواسطة بن حفـيـظ (المشاركة 227102) ابن محمد الودعاني تسلم يمينك على هذا النقل الموفق و الرائع ورحم الله الشاعر بن حميد.

المشاركة الأصلية كتبت بواسطة ابو زيد الغييثي (المشاركة 227166) ومن لايقلط شذرة السيف والكيس = يصبح عليه من الليالي ثلومي ومن لايدوس الراي من قبل لاديس = عليه دا سوه العيال القرومي ومن لااخـذ الدنيا بميز ٍ وتقيـيس = مثل الذي يسبح ببحر ٍ يعومي ابيات شهير بشهرة صاحبها لاهنت يا بو محمد على الاختيار الموفق على هذه الابيات الشهيره للامير الفارس / تــركي بن صنهات بن حميد المقاطي العتيبي