|
طلب
السلام عليكم ورحمة الله وبركاته عندي طلب ياعيال زايد قصيدة الشاعرمحمد بن ادريس عساه يمطر على الافلاج والوادي
مع الشكر |
أشوف برقٍ سـرا وأخايـل اليمّـه= عساه يمطر على الأفـلاج والـوادي أهل الوفاوالكـرم والجـود والهمّـه =وأسود نجد العذيّـه روس الأجـدادي (دواسرٍ )طيبهـم والله علـى الذمّـه= وأفعالهـم بيّنـه مابيـن الأشهـادي من جالهم في القسا صاروا بني عمّه= ومن زارهم في الرخا غنّى بالأجدادي اللابة اللـي علـى العـدوان ملتمّـه= بسيوف هنـدٍ تقاطـر دم وإحـدادي ويالله طلبتك تغيث وتسقـي الأمّـه= وبل السحاب المرزّم فوق الأنجـادي يالله طلبتك تغيـث وتكشـف الغمّـه= والختم صلّوا على مختارنا الهـادي للشاعر / محمد بن أدريس الشكرةالدوسري |
صح لسانك يا ابو هادي
وصح اللسان ابن ادريس عزالله انها قصيدة جزله وفيها فخر والشكر للاخ مخاوي سهاد اللي اتاح لنا فرصة لقرأة القصيده وتحياتي للجميع |
صح لسان الشاعر ابن ادريس ولاهنت يابو هادي على نقل القصيده وتلبية طلب اخونا والشكر لكم جميع |
أهل الوفاوالكـرم والجـود والهمّـه=وأسود نجد العذيّـه روس الأجـدادي (دواسرٍ )طيبهم والله علـى الذمّـه=وأفعالهم بيّنـه مابيـن الأشهـادي من جالهم في القسا صاروا بني عمّه=ومن زارهم في الرخا غنّى بالأجدادي وعليكم السلام ورحمة الله وبركاته اخوي الفاضل مخاوي سهاد الله لا يهنك على هذا الطلب القيم الشاعر من شعراء الدواسر الافذاذ وبيض الله وجهك يابوهادي على هذا التجاوب السريع لسرد هذي القصيد التي اتحفتنا جعلك تحيى وهذي عوايدك ياذيبااااااان الفزعه للاخوان في طلباتهم وصح السان الشاعر ابن ادريس على هذي القصيد الجزله تقبلو تحياتي وتقديري اخوكم / فهد الغريري,,, |
قبيله الدواسر
السلام عليكم ورحمة الله وبركاته
لجواد سيرتم اتعز علينا يستاهلو كل الاقدار هديه لجواد ياامحلاهم سوا يخطروا ولاايجيك نباهم تسعدا وتهنا انكان جيت احذاهم وبيك يفرحوا وهم انتم |
ما قصر اخوي (تركي الودعاني),,كفى ووفى
ولكن اريد اضيف القصيدة والرد جميعا القصيدة للشاعر ::محمد بن ادريس ال دحيم الشكرة عساه يمطر على الأفلاج والـوادي أهل الوفاوالكـرم والجـود والهمّـه وأسود نجد العذيّه روس الأجـوادي دواسرٍ طيبهـم والله علـى الذمّـه وأفعالهم بيّنـه مابيـن الأشهـادي من جالهم في القسا صاروا بني عمّه ومن زارهم في الرخا غنّى بالأجدادي اللابة اللي علـى العـدوان ملتمّـه بسيوف هنـدٍ تقاطـر دم وإحـدادي ويالله طلبتك تغيث وتسقـي الأمّـه وبل السحاب المرزّم فوق الأنجـادي يالله طلبتك تغيـث وتكشـف الغمّـه والختم صلّوا على مختارنا الهـادي ومجاراة الشاعر::فراج بن فهــد ال تركي الشكرة يامرحبـا بالقصيـد إمعانـق القمّـه جواهـرٍ مانظمهـا كـلّ قـصّـادي يامحمد ارحب وعطر القاف نشتمّـه من بعد كيلو نشـم العـود والكـادي هيّضتني(للحمر)والكـبـد منسـمّـه من جاير الهـم والفرقـا والإبعـادي من طيّب أصلك وطيب الراس والهمّه يهزّك الشوق صوب الـدار وإتنـادي والدوسري لوسكن في (جنيف)ماهمّه ماهوب ينسى الربوع ودار الأجـدادي يالله عساها مزون الوسـم ملتمّـه خمسين ليله وهي بـرقٍ ورعّـادي لين(المعيذر) يصكّ الجـال وإيدمّـه (والباطن) إتعجرف أمواجه مع الوادي هذي طراة الحيـاة ومطربـة الأمّـه لاقامت اسيولهـا تلحـق وتـزدادي تخضرّ عقب الدهر شعبانهـا الجمّـه والذود يشبع بدون أعلاف وأنكـادي يقولها اللي غلا الأفلاج فـي دمّـه.. يجري ولوكان حـدّه دونهـا حـادي لاغبت عنها يضيق البال مـن همّـه وإن جيت كل الليالي صارت أعيـادي تحياتي,, |
وعليكم السلام ورحمة الله وبركاته اخوي الفاضل مخاوي سهاد الله لا يهنك على هذا الطلب القيم الشاعر من شعراء الدواسر الافذاذ وبيض الله وجهك يابوهادي على هذا التجاوب السريع لسرد هذي القصيد صح الله السان الشاعر والناقل تقبلو تحياتي وتقديري اخوكم . ابـــــــــن هـــــــــــديـــــــــــهــــــــــد |
اقتباس:
ماعندي كلام أكثر من كلام أخوي فهد الغريري كفا ووفا لاهانو الجميع تحياتي |
ماقصرتوا
شكراً لكل من اخي تركي الودعاني ماقصرت بيض الله وجهك واشكر فهد الغريري وفهد الدهمش ودغش البطي والشكري وابن هديد والاخ سالم الغريري اخوكم الشاعر/مخاوي سهاد
|
السلام عليكم ورحمة الله وبركاته شكراً لك اخي الكريم على طلبك قصيدتي واشكر الاخوان تركي الودعاني ومن شارك واحب ان انوه ان القصيدة نشرت في عدد من المنتديات الافلاج السليل الوادي المنتدى الرسمي للدواسر وان بها اخطاء منها اخايلة يمه كتبت اليمه و الاجوادي كتبت الاجدادي اخوك محمد بن ادريس الشكرة
|
أهل الوفاوالكـرم والجـود والهمّـه *** وأسود نجد العذيّه روس الأجــــوادي
(دواسرٍ )طيبهم والله علـى الذمّـه ****وأفعالهم بيّنـه مابيـن الأشهـــــــادي من جالهم في القسا صاروا بني عمّه *** ومن زارهم في الرخا غنّى بالأجدادي إييييه والله صح لسانك يا إبن إدريس ولا هنت يا وجه ودعان على إدراج ذا القصيده إلي تروي القلب وتطرب السمع وترفع الراس .. |
الأفضل في نظري أن تقول ( أخايل اليمة) يعني أخايل الجهة أو الوجهة
أما ( أخايله يمه) فمالها معنى أبد وضعيفة السبك والقصيدة بشكل عام جميلة وصح لسان القايل سؤال خاص للخ محمدبن دريس انت شاعر مافيه شك ولكن علامك ماتشارك مع الشعار اللي في مجلس الشعر الرئيسي وتترك مجلس القصايد المنقولة؟؟ |
رد
السلام عليكم ورحمة الله وبركاته الخ بليهي الودعاني وبيض الله وجهك ومشكور على المشاركة اخوك محمد
|
اجابة
السلام عليكم ورحمة الله وبركاته شكراً لك اخي الكريم على هذا المقال اخي مدعث مشكور على الملاحظة والمشاركة ومشاركتك اعتز بها وبالنسبة لتعديل اخايله اي البرق شاكر لك ملاحظتك وبارك الله فيك اما بالنسبة قولك اني شاعر ولاشك فانا متذوق لشعر لااكثر ولم اصل لما وصل له الغير وتقبل تقديري واحترامي اخوك محمد
|
الساعة الآن 06:04 PM
 |
Powered by vBulletin® Copyright ©2000 - 2025, Jelsoft Enterprises Ltd.
---