::: مـنتدى قبيلـة الـدواسـر الـرسمي ::: - ماجد الهذال ؟( قصيدة يانجد ) بعد رحيله منها

اعز خلق الله كثيرة هي الأشعار التـي خلدة لنا التاريـخ فالشعر كما معروف هو ديوان العرب ، قصيدتنا لـهذا الـموضوع هـي للشيـخ ماجـد بن هـذال رحمة الله عليه عندما ارتـحل من نـجد عندما حل فيها القحط ولم تمطر لسبع سنوات ومات حلاله وارتحل للشمال ، وهي دامغة لكل من يقول أنه قـام بتنزيـح عـنزة عن نـجد موطنـها الأصلي ، قـال الشيـخ مـاجد بـن هـذال :

يا نجد لاجاك الحيا نادي لنا =وشبي لنا براس المقوقي نار

يا نجد لاجاك الحيا وصي لنا =وان زان وقتك فارسلي عمار

عبدٍ خذاله زوجه من هل القرى =شارت عليه وطاوع الاشوار

ومن طاوع العذرا على غير صايب =يصير كما اللي ضاع بالنهار

جلس قليل الفود من شان الغنم =وخلا بنات الهرش معنا ابكار

حلفت انا يانجد مارخصك عندي =مير الدهر والوقت فينا جار

بسبعة سنين مالمع فيك بارق =مات الحلال ويبست الاشجار

جرتي علي وانا معذي جنابك =واليوم سكنك شاوي وحمار

حاميك انا يانجد بالرمح والقنا =في لابة تسقي الخصيم امرار

حنا شبات الحرب صبيان وايل =ملجأ الضعيف مدلهين الجار

حنا أهل العادات اخوان بتلا =الى جفتنا الدار نلقا لنا دار

لاجارت علينا الديرة وامحلت =نلقا لنا ابدار العدو معبار

بنجي على وضح النقا ونرهب العدا =ما كننا الا يمهم زوار

يانجد شفي فيك طيرة وعيرة =وغمر الحطب لاحط فوق النار

أقفيت من عندك بنمرا ضرية =عسامها يغطي الجبال اغبار

أدنا منازلنا بوادي النعايم =واقصى منازلنا بغار انشار