::: مـنتدى قبيلـة الـدواسـر الـرسمي ::: - محدٍ تجي دنياه دايم على الكيـف

- :: قسم الـشعر العــام :: (http://alduwaser.org/vb/forumdisplay.php?f=16)

- - محدٍ تجي دنياه دايم على الكيـف (http://alduwaser.org/vb/showthread.php?t=43426)

محدٍ تجي دنياه دايم على الكيـف

الشيخ الشاعر محمد بن ابراهيم بن عبد العزيز ال ابراهيم (الوافي)

اليكم أحبائي

احدى روائع ودرر (الوافي)

عــلـــى الـكــيــف

محدٍ تجي دنياه دايم على الكيـف .
. يومٍ محل واليوم الآخـر مريفـة

لاتلتفت تكثر عليك التحاسيـف .
. مافات منها فـات خلـه بكيفـه

ترقى بصيتك فوق روس المشاريف .
. وتمشي معك مثل الهبوب اللطيفة

اليا اقبلت لمت شتات المواليـف .
. واليا ابعدت ينسى وليف(ن) وليفه

مادام أنا ويـاك دايـم ملاهيـف .
. ومتقاسميـن حبنـا بالنصيـفـة

أنا خويٍ للسهر والسهر ضيـف .
. ومن عادتي لاحل ضيف استضيفه

حبك نزل بين الضلوع المهاديـف .
. الصدق بيّـن والنوايـا شريفـة

مع غيرك أنتِ ماتطيب السواليف .
. يااللي على قلبي مزوحك خفيفـة

قصة غلاك تشرّف العشق تشريف .
. سيرة غلا بين القلـوب النظيفـة

أنتِ اليا وصفّت فوق التواصيف .
. يااللي لزينك كل زينـة وصيفـه

وان قيل به للزين والحسن تعريف .
. أنتِ عن أجمل مايوصّـف منيفـه

مامرني زينك ولا بالنظـر شيـف .
. الزين في غيـرك مغطيـة زيفـه

الناس تفرح بالمرابـع وبالريـف .
. وقربك لقلبي هو ربيعـه وريفـه