لاعاد تنشدني عن أحوالي وش سارت لمور=أبشرك لو ما هو يسرك الأمور ميسرة
قبل أمس يوم الوقت صكاته على صدري اتجور=حزني يونس خاطرك لاجاك مثلك وذكره
واليوم سبحان الذي يعلم بما تخفي الصدور=مدري من أهل الميمنة ولا من أهل الميسرة
وأكبر دليل العام يوم الوقت ضربه في النحور =اللي صفالي في الزمن واحد وهم كان عشره
لكن خذيت من الزمن عبره وهو طبعه يدور=اليوم يصفالك وعقب أيام يعطيك اظهره
اللي قبل فترة يعدونه من أصحاب القصور =طاحت عزومه مابقى للوقت شي يذخره
راحت حياته قمطريرٍ من دبور في دبور=لا ارتاح في الدنيا ولا قبره مع للمقبرة
(الله على الأيام وصدوف الليالي والشهور =حتى ثقيل الهم من صكاتها ما تعثره )
تأثيرها كـنه مجارف سيل في كبد الصبور=سيل تحدر من رفاع وبعثر الوادي ثره
والفرق فرق السيل تنبت الأرض من عقبه زهور=والوقت لو خلى بكـبدي شي خلى خنجره
الوقت مركب حزن وابن آدم مثل نقطة عبور =وصدوف بقعا ماتفرق بين رجال ومره
لله ومرها حطت الدنيا ظلام بدون نور=في عين من طعم الحزن طيح عزومه وقهره
يارب تجعلني على كثر النعم عبد شكور =وانك تصبرني على جرح الزمان وتستره
الوقت ما قصّر بطعناته ولا حوله قصور =والعمر مدري كم بقى منه ولكن راح اكثره
ماني بخايف لو قصر عمري وكابدت القبور =لكن خايف لايكون القــبر مافيه ثمره

المشاركة الأصلية كتبت بواسطة محمد بن سالم الخضران (المشاركة 497921) صح لسانك واختيارجميل وصح لسان صالح بن مانعه ولاهنت ياعاشق هريسان

المشاركة الأصلية كتبت بواسطة خميس مطر الغييثي (المشاركة 498310) لاهنت ياعاشق هريسان واسمحلي على تنسيق النص

المشاركة الأصلية كتبت بواسطة خيالية (المشاركة 498315) صــــــــــح لسااااااااانك ...

المشاركة الأصلية كتبت بواسطة نادر الناهشي (المشاركة 498551) لاهنت اخوي اختيار موفق بارك الله فيك

المشاركة الأصلية كتبت بواسطة عبدالله الفاران (المشاركة 498652) صح لسانك واختيارجميل وصح لسان صالح بن مانعه ولاهنت ياعاشق هريسان

المشاركة الأصلية كتبت بواسطة دغش محمد الصخابرة (المشاركة 499088) صح لسانك واختيارجميل وصح لسان صالح بن مانعه ولاهنت ياعاشق هريسان