المعلم ما يكفي بتعليم الدروس =كود دورات اليالي وبعض دروسها
والمثايل للعوارف كما وصف العسوس =مايقود لنية العرف كود عسوسها
والرجال اهل الوفاء تنعرف والها نفوس =مثل ماقالوا نفوس الحرار انفوسها
والرصيد الدين والعز ماغيره لبوس =هو غذى النفس العزيزه وهو ملبوسها
والخضوع يحط في سمعة الرجال سوس =لا ومرها بالمذله كلاها سوسها
علم اللي يصغر النفس من شان الفلوس= يحسبٍ ان الناس بتكبره بفلوسها
والبشر تفنى ومن طاب يبقى له ارموس =وطيب طاريها يجدد قديم رموسها
ماتساوى بينها بالطبايع والجنوس =تختـلف بطـبوعها واختلاف جنوسها
فرقها بالفعل فرق العدود من الرسوس =تنعرف من غزر ماها وضعف رسوسها

نحمد اللي عز الاسلام عن دين المجوس =وامتة في دين الاسلام ترفع روسها
يانديبي فوق شاص ٍمع الخبه يهوس= دار ابن حشفل طلبتك لزوم تنوسها
شاقني قول بدابه كما نقد الفلوس =شاعر ٍطرق المراجل كسب ناموسها
من رجال تكسب المجد فاليوم العبوس= للمراجل دايم ٍشوقها واهجوسها
والرجال اهل المعرفه بنظرتها تقوس =تبتصر بالراي بعلومها وتقوسها
من بغاء طيب الثمر يحرص بطيب الغروس =ويتلذذ في ثمرها وطيب غروسها
كم صبي ٍظاع مبدى حياته بالجلوس =في حياته سالي ٍمايمّل جلوسها
والحياه بدورها مثل ماتمضي تدوس =ناس ترفع مستواها وناس اتدوسها
يالله ياللي تحيي القاع من عقب اليبوس =لين تخضر بالحياء عقب طول ايبوسها
تستر امن اهل الحسد والنميه والنجوس =ويالله انك لاتكثر وجيه انجوسها

المشاركة الأصلية كتبت بواسطة خميس مطر الغييثي (المشاركة 496773) صح لسان ابومحسن وصح لسان ابن طواله كلمات مثل العقد المنضود تسلم يابوسالم على نقلها لنا وعادتك الطيب يالذيب

المشاركة الأصلية كتبت بواسطة عبدالله بن فهد (المشاركة 496777) فرقها بالفعل فرق العدود من الرسـوس تنعرف من غزر ماها وضعف رسوسها صح الله لسان ابو محسن شاعر ومبدع الله يحفظه وصح الله لسان ابن طواله على المجاراة الطيبه وتسلم يالقرم على النقل والاختيار الرائع

المشاركة الأصلية كتبت بواسطة دغش محمد الصخابرة (المشاركة 496783) صح لسان ابومحسن وصح لسان ابن طواله كلمات مثل العقد المنضود ولاهنت وتسلم يابوسالم على نقلها لنا وبيض الله وجهك يالقرم ..... وتقبل تحياااااااااااااااااااااتي