::: مـنتدى قبيلـة الـدواسـر الـرسمي ::: - اللي ماترضاها على اختك وانا اخوك = لاترتضيها في بنات الحمايل

- :: قسم الـشعر العــام :: (http://alduwaser.org/vb/forumdisplay.php?f=16)

اللي ماترضاها على اختك وانا اخوك = لاترتضيها في بنات الحمايل

ياللي ترص اعراض الاجواد في البوك
والجيب والجوال ملي الرسايل ..

اللي ماترضاها على اختك وانا اخوك
لاترتضيها في بنات الحمايل ..

اذا هلك على المراجل ماربوك
لاتبلش الاجواد لاصرت عايل ..

تحب صادق ؟ رح تقدم مع ابوك
ولا لاعاد تهيم وتقول مايل..

تروح تفضحهم بعد يوم حبوك
هذي ترى ماهي سلوم القبايل!!

ان كان مابه شي للصدق يدعوك؟
فالعمر زايل مثلما الحب زايل..

ويابرررري حالي ياغرام ٍ ماخلوك
تكبر وتكبر فيك كل الوسايل..

عفيف ماحيكت به المنذله حوك
عليه من كل العفاف الدلايل..

من يوم قفوبه وانا الحال مدكوك
وحلفت مادور بداله بدايل..

ماحسني شوكه ولاحسه الشوك
الا فراقه جعل وقته سهايل ..

ماضيعه غلطه .. ولا ظن .. وشكوك
الا ظروف الوقت والحظ مايل ..

يفداه من جنسه هل الغدر واللوك
وفداي من جنسي بعد كل عايل..

رد: اللي ماترضاها على اختك وانا اخوك = لاترتضيها في بنات الحمايل

ان كان مابه شي للصدق يدعوك؟
فالعمر زايل مثلما الحب زايل..
صح الله لسانك وبالصراحه هذا شي كثير من الناس واقع به الى مارحم ربي الله يصلح الحال اشكرك جزيل الشكر ياهيوفه

رد: اللي ماترضاها على اختك وانا اخوك = لاترتضيها في بنات الحمايل

ابيــات رائعه
ومعاني قويه وجدا وهادفه
تسلم يديك
وبيض الله وجهك على هــ الطرح
تحياتي

*

http://dc05.arabsh.com/i/00448/u4ylhd3ra2n9.gif

رد: اللي ماترضاها على اختك وانا اخوك = لاترتضيها في بنات الحمايل

ابيااات جزله ،،

يعطيك العاااافيه على نقلهااا ...*