انا من تويلي عصر الاثنين الا ذلحين =وقلبي لواهيب الولع فيه مكتمله
تولع مع اللي واجهوني وهم عجلين = وقفوا بعضهم يندهه ويتكلمله
تقافوا وهم مستانسن ومنبسطبن = وانا اقنب قنيب مصدر جايرن حمله
عقب ماقعد متعطلن ماروى يومين =صدر من جبى عدن مضاميه في الرمله
ترى الحب مثل الكيف لحظه خواه تبين = ومثل اشقر التنباك راعيه يوخمله
ولكن طراد الهوى مابفاله زين =لزوم يذوق اللي من الحزن يقسمله
شجاع الرجال تجي سلاحة دموع العين = خصوصا الى من كثر ياسه وقل امله
انا عقب ماذقت العزاري وشفت الشين =تركت الهوى واعرضت من ناس بالجمله
وتميتنالي مايقارب ثلاث سنين = وانا مثل صرافن تسوق بلا عمله
الين اعترضلي خيره الصفه الناشين = صغير ودبني لين قمت اتخدمله
هنوف قليله شكل في الجيل التالين =قليله كلام لا خجول ولا زمله