::: مـنتدى قبيلـة الـدواسـر الـرسمي ::: - وشهن بنات المملكة والمنامة

- :: قسم قصائد الشعراء الموهوبين :: (http://alduwaser.org/vb/forumdisplay.php?f=40)

- - وشهن بنات المملكة والمنامة (http://alduwaser.org/vb/showthread.php?t=42591)

وشهن بنات المملكة والمنامة

وشهن بنـات المملكـه والمنامـه
ان جيت ابعشق مالي الا قطريـه

الغنج مع كـل الدلـع والفهامـه
جوها عطايا من رحـوم البريـه

ربي خلقها من ضلـوع الكرامـه
نفس (ن) عفيفه والمشاعـر ابيـه

في حسن يوسف يضربون الوسامه
ومن حسنها جاها لقـب يوسفيـه

لو جيت أقـدر طيبهـا بالعلامـه
تاخذ مـن الميـه ثمانيـن ميـه

في ذمتي ياهي عليهـا ابتسامـه
تذبح جميع الخلق مـن دون ديـه

والرمش لا سلهم فلا بـه سلامـه
اطلق شنب يعطي جنابـه تحيـه

والوجه بدر كامل (ن) في تمامـه
لا شفت نوره قلـت مافيـه زيـه

والخد يضحـك لا تبسـم لثامـه
والخصر بنـدق والنهـود المنيـه

والساق ناعم يمشي مشي الحمامه
والردف هودج والركب له مطيـه

والعقل راجـح والتريـث ودامـه
والحلم شيمـه والتواضـع خويـه

الستر زيـن طبعهـا باحتشامـه
واحلف على القران ماهي رديـه

هي شيخة الشيخات بنت الزعامه
هي نخوة الفزعات أخت الحميـه

هي الطهاره والشرف والشهامـه
هي السماحـه والكـرم والحذيـه

هي القوافي والشعـر وانتظامـه
هي المعاني في صورهـا البهيـه

هي التمازج بين ليـن وصرامـه
هي التوجـد والجـروح الخفيـه

هي ركعتين (ن) قبل وقت الاقامه
ادعي بهن ربـي تفضـل عليـه

ربـي طلبتـك لا تقـوم القيامـه
الا وانـا ماخـذ فتـاه قطـريـة
الا وانـا ماخـذ فتـاه قطـريـة
الا وانـا ماخـذ فتـاه قطـريـة