::: مـنتدى قبيلـة الـدواسـر الـرسمي :::

- :: قسم الـشعر العــام :: (http://alduwaser.org/vb/forumdisplay.php?f=16)

- - الوكاد أنه دبورن جرالي (http://alduwaser.org/vb/showthread.php?t=42099)

الوكاد أنه دبورن جرالي

هذه قصيده للشاعر/

مشيع بن فهيد الغييثات الدوسري

وهي تحكي عن نفسها
وان شاء الله هناك لقاء مع الشاعر خلال الايام القادمه حتى تتعرفون عليه عن قرب
ونسمع منه بعض من جواهره اللتي صاغها بأسلوب عجيب يجبر المسامع على ارخاءها له لتنهل من عذب اشعاره

قال الذي صلفات الأيام تطويه=يصرخ ولا حوله من الناس والي
والناس ماخلوه ياصل مشاهيه=قلوا هل الفزعه زحول الرجالي
بين الطلايب والعتب والمشاريه=ماعاد أحصل للوناسه مجالي
وأغلى بشر قفا وعيني تراعيه=يمكن طراله طارين ماطرالي
لوشاف وضعي كان وضعي يبكيه=يبكي على شاني ويصخف لحالي
الله يلعن ساعة الفقر والتيه=يوم أحرمت عيني وضحت بغالي
والله مدري ياعيون الرجا ليه =بس الوكاد أنه دبورن جرالي
أن كان ذكري عن منامه يصحيه=فأنا معلق صورته في خيالي
نذرن علي مادمت حين مخليه=لوطالت الفرقا وقل أحتمالي
لوادري أن الدمع لاسال يرضيه =بكيت طول أيامها والليالي