لا ياوجودي وجد من حاصروه بـجـيــش = بـجيـش اليهـود اللـي بليـا مَحـنِـيـه
من المدخل الشرقي دفاع ونقـط تفـتيـش = وعلى مدخلـه من غـرب قـوات جـويـه
سـلاحـه مع سلاح العـدى مايـوكـل عـيـش = الرشـاش روسـي والقنابـل محليـه
عن المنطق المعقول عيا وخـذه الطيـش = عقد نيتـه وركَـان جيشـه لهـم نـيـــه
نصبله صواريخ ٍ قديمه وخـف الريـش = هدفها يجي لو صاب عشريـن بالميـه
وعبوله صواريخ ٍ تحرك بالمسـة فيـش = وحـدد هدفهـا بالجـمـوع الفدائـيــه
على واحدٍ حُـبــه حكمني حكـم شاويـش = قــدم عـرض وزايــر قيـادات مصريـه
نظـر نظـرت(ن) مايفتهمها خطـات الـديـش =بها للقلـوب المتعبـه روحـه وجـيــه
وطلب مني إنـي اساعده قـلـتـلـه فـي آيـيـيـش = وقال بجــوازِ منتهـي قبـل حوليـــه
ورفعت التلفون ونخيت النقـيـب عميـش = وحـرم حـرام إنـه فـلا يقعـد شويـــه
وعطيته جوازه قلت خـل المشي بشويـش = تـرك مسـار العائـلات السياسـيـــه
وثم قال كان الله ستر من عيون قريـش = فـهاذا تـلفـونـي والأبــراج مـاريـــه
آنا بالسعوديـــــه وهــي بالكويــــت تعيـــش &= ظـــروف العمــل والبــوك مافيــه خـرجـيــــه