::: مـنتدى قبيلـة الـدواسـر الـرسمي :::

هذا احد اوزان الشعر في بلادي

عساه يعجبكم
وهيه قصيدة عتاب

مامن خير درته فيك ضاع
نا غلطان راضي باقتناع

راضى بالنصيب
ما من طيب يتبع فيه طيب
درته غير تفكيرك غريب
ما تحساب كيل الصاع صاع
فيه رقيب عالناس وحسيب
و فيده يوم سكرات الوداع

راضى بالخساير
يللي فيك ما فادن ثماير
حتى كان مانى طير طاير
لي جناح يهوى الارتفاع
وعندى عقل مو ناقص دباير
وعندى وجه ما يعرف اقناع
ولو امخصوص ننزل دار باير
ولا ننجر فى جرت اكراع

راضى بالاقسام
ياللي فيك ما جاب الملام
كل انسان له بصمة ابهام
والبيّاع يحكى بيش باع
اتبيع اقدار واتبيع احترام !!
بلاش , نظير طمعه م الاطماع !!؟

مانه شى ردايع
مامن حق منك لي ضايع
الناس اشكال وانواع واطبايع
وانته نوع فارق عن الانواع
ما حسيت باوجاع وصدايع
ولا فكيت راسى م الصداع !!!

مامن خير درته فيك ضاع
نا غلطان راضي باقتناع

تحياتى لكم ,,,

وسلامتكم