باسم اللذي تسجد له الخلق راجين=رب البرية من عدمها وجدها
الحمد له منزل تبارك وياسين= وصلاة ربي للنبي من بعدها
يامرحبا يا من حضرتوا ملبين = للدعوة اللي من غلاكم مددها
ترحيبة عطره تفوق الملايين=من كثرها ماتنحصي في عددها
تمشي على كل السلوم وقوانين=لاجل الوجيه اللي وفت في وعدها
في حفلة شيوخ عزاز كريمين=حيا بها الشايب وحيا ولدها
سلم لهم في درب الاسلاف ماشين=حقيقة عني وغيري سندها
حكى بها التاريخ الاول وذا الحين=حقايق داخل جنوبه سردها
وان قيل منهم قلت ذولا العجالين=من وين ماتطرى الجميلة تجدها
من لاد فرج مرجحين الموازين=دواسر ياسعد منهو قصدها
من شانهم جينا على السير عجلين=واجب يورث في الضماير سعدها
الشعر في الاجواد له دور ويزين=يفخر بها الشاعر اليا من قصدها
مبروك يابن حزام يابن الوفيين=فيك المثايل جات تسعى جهدها
الساس طيب والوفا فيك والدين=يوم ان بعض الناس غيرك فقدها
متميز يا عالي القدر وتبين=حقيقة يشهد بها من شهدها
حفيد قوم في المواقف سلاطين=عدوانهم تبطي تعاني كمدها
مبروك قلته ياعسى فالكم زين=يكفيكم الله كل نفس وحسدها
وصلاة ربي عد نبت البساتين=على النبي قبل القصيد وبعدها