::: مـنتدى قبيلـة الـدواسـر الـرسمي ::: - قصيدة الشاعر طاحوس بن عيبان في رثاء الشاعر محماس بن مصيبيح

]ياالله يارب الفلق مالك الناس - يالواحدالفرد الصمدعالم الغيب
يافارج الكربات يادافع الباس - عن عبدك المسكين ياساتر العيب
البارحه ناحيت تسعين هوجاس - والكل منها له مطاليب ومصيب
عواركن تاخذ بي اخماس واسداس - وتقول وين القا حصان الطاليب
واقول هدي يارواميع لاحساس - وانبيك عنماصار والعلم ترتيب
محماس راح وحال من دونه الياس - طويت صحايف صفحته والمكاتيب
راح الشجاع الي حمى كل مرواس - والدار من عقبه تضف الجوانيب
مرحوم يارجل المهمات لاباس - مرحوم ياعز الوطن والصاحيب
مرحوم يالي مالبس ثوب لادناس - ولاعلقو بمعلقاته عذاريب
مرحوم يارجل الكرم والتنوماس - يامقري الخطار من شمخ النيب
يا دار وين الدرع والشيخ محماس - شيخ الدواسر درعهم من لجانيب
وين الزعيم العنصري يابس الراس - الي محاضيبه على الخبث والطيب
امحنكن مايدخله رمز خناس - عدمن على الخاين سريع المحاضيب
حر غيورله مخاليب وامواس - يرهي مضاريبه عطيب المضاريب
سور الحدود وهيبته دون حراس - هيبة اسديحلم به النمر ويهيب
محماس لارد البرى بين لقواس - يوقد مشاهيب ويطفي مشاهيب
محماس لانحاسو هل العلم مانحاس - يحل مفتول ويحكم لواليب
محماس لاقربت محاضيب لانفاس - والدم فار وكشر الذيب لذيب
ياسعد منهو مسنده حرز لرماس - لاجاحزم كلاب بين الكلاليب
لاشفت في وجهه غضب حكل وعماس - ابشر بحقك ياسريع المطاليب
محماس لامنه غشى الجو غلماس - واضلم نهار موردين المغاليب
يارد ويشرب يوم الارياق يباس - من حوض مشروع المنايالياهيب
لعداه سم ذابح داهن الساس - ولصاحب احلى من حليب الحنازيب
يذري ذراه من الهاوي والتعاس - ومن لاذبه يلقى الذرى والمعازيب
ولاعدوالشيخان لباست الطاس - عدوه الاول في جميع المواجيب
راس يروس رجال ماهوب يراس - والمنصب ابن قويد منصب هل الطيب
منصب شيوخن ناصبينه على ساس - والكل منهم ماضي له تجاريب
وصلاة ربي عد ماهب نسناس - على النبي محمد طاهر الجيب]