::: مـنتدى قبيلـة الـدواسـر الـرسمي ::: - قصيدة عبدالله بن نيف الودعاني

السلام عليكم ورحمة الله وبركاته هذه قصيده لشاعر تركي بن نيف الودعاني ونرجو ان تحوز علىرضاكم

عهداً علي ممشي مع النذل والاش
ونجـا محلـي ماعنيـت المحلـه
ومابيحله سدي وناخابـره مـاش
حيثه يزيـد ابعلـه الكبـد علـه
م اريته قلبـه حقـوداً وغشـاش
رايه عن ادروب المراجل يضلـه
الغل في صدره مسويله اعشـاش
اوهن ابيـت العنكبـوت اومحلـه
بنقل النميمه حي مالعلـم مانـاش
زرع الفتن بين العـرب منهجلـه
مايطعم الجايع ولايسقي اعطـاش
بغضه مـن الله كـل كبـداً تملـه
جعله فدى الي لنواميـس هبـاش
بعرش المراجل حط قصـراً وفلـه
يفرح بكسب الطيب للضيف بشاش
ماجاد في يمنـاه جابـه عشاًلـه
ناره تواقد والحطب سمر وهشاش
وصفر الدلال الي بها البـن زلـه
مجلسه من جمع المناعير حـواش
هو محزم/ن وهل الوفى محزملـه
مايقبل الغيبه معى كـل حشـاش
هـذا قريـن العـز والعـز دله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!
ْ( وهذه مجارات الشاعر بكر بن خلف الركبان)

عطهم كذا ياحاضر العقل بالكاش
ياشاعـراً ماجابقـولـه مخـلـه
ياعاوين ماجا قصيده من اكـداش
ولارمى مـن زاملـه منـه زلـه
الخلق فيهم صاحي اوفيهم اخداش
خلك على الواطي حليـم اوتعلـه
من شال هم اهل الطمينات ماعاش
سفهك لمحقـور المراجـل يذلـه
بالصبر خلـك للدنيـات بطـاش
تلقـا لعقـاد الصـدر مايفـلـه
ترا الصبر فاس/ن للعواج دفـاش
لاجاك من عـوج الدهرمضمحلـه
والذرب مثلك لاعطي شي ببـلاش
برق ابمورودا علـى غيـر حلـه
الذرب يابونيف ماعاش بعـراش
وشرواك ياتركي خذا الجود كلـه
واقبل تحيه من بعينه لك افـراش
عل الخواطـر دايمـن مسفهلـه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!