هات القلم وأكتب وأبرسل سلامي = وأرسل تحياتي وأثني بها دوم
وأخص أنا شيخ رفيع المقامي = أبو مبارك جعل يفدونه قروم
حر(ن) تعلى وأعتلى في السنامي = أخذ مكانه عالين فوق مزموم
يعيش راع العفر نسل الكرامي = في شفها يمشي ولاهوب مليوم
وأقفوا هل المفرود يوم الزحامي = وكلن يجيب علوم ويودي علوم
وجاتك تهدى بنت هرشن تمامي = وتفردت بالزين ماجالها توم
حشارة اللي يوم عدّ الأسامي = فازت وتستاهل ولها الفوز محتوم
ويستاهل البيضاء وفيّ الذمامي = أبو مبارك فوق مايلحقه لوم
وأقولها وأنا رفيع مقامي = من لابة يوم اللقاء تنطح القوم
ألاد حافي ملحقين الجهامي = نطاحة العايل ذباحة الكوم
وتمت وصلوا عدّ وبل الغمامي = على نبي بيّن الحق بسلوم

المشاركة الأصلية كتبت بواسطة نايف الخييلي (المشاركة 464472) خصيم نفسه الله يطول بعمرك على طرح هذه القصيده الرائعه فيمن يستحقها وابو مبارك من رجالات الدواسر اللى لهم الصيت الحسن والعلم الطيب وفعله يطلق وجه وينومس ربعه ويستاهل المدح ,, وصح لسان الشاعر ماجد الحافي على هذه القصيده الجزله الرائعه ولك خالص الشكر

المشاركة الأصلية كتبت بواسطة غازي المسعري (المشاركة 464480) خصيم نفسه الله يطول بعمرك على طرح هذه القصيده الرائعه فيمن يستحقها وابو مبارك من رجالات الدواسر اللى لهم الصيت الحسن والعلم الطيب وفعله يطلق وجه وينومس ربعه ويستاهل المدح ,, وصح لسان الشاعر ماجد الحافي على هذه القصيده الجزله الرائعه ولك خالص الشكر