::: مـنتدى قبيلـة الـدواسـر الـرسمي ::: - خالد عبد الرحمن $ حبيب العازمي

- :: قسم الـشعر العــام :: (http://alduwaser.org/vb/forumdisplay.php?f=16)

- - خالد عبد الرحمن $ حبيب العازمي (http://alduwaser.org/vb/showthread.php?t=40651)

خالد عبد الرحمن $ حبيب العازمي

الفنان:خالد عبدالرحمن

مانـي بهمـازٍ ولانـي بملمـاز
كل الخطـا مايرثـل للحسايـف

نفسي ما اكلفها ولانـي بمعتـاز
للي بدا من عشرته كـل هايـف

احتاج عشرت طيب الذكر معنـاز
يشيل ثقل حمولهـا والخفايـف

حتى ولو خون بعض حظ ماجاز
ارجي قضاها مقبلة كـل طايـف

وانا مع اللي ذكر بالطيب منحـاز
ورجلي ما اسندها دروب السفايف

لا وقت فيه الرجـل يبرىويـراز
اما سقط والا بـروس النوايـف

هني من هو باجمل اخصالها فاز
فاز وكسبها والمكاسب صرايـف

حمامتي غني ترى الصوت هزاز
للي خفوقـه مولعـن بالولايـف

ابتبع هواي اللي ملكته وباجتـاز
حدٍ وراه حـدود والبـال كايـف

ابجلي وانا خالد ولي رمح ماهاز
الا وسقته في نحر كـل عايـف

لي في ربوع الارض رايه ومركاز
لاهي بمغشوشه ولاهـو بزايـف

---

رد الشاعر / حبيب العازمي

---

يامكثر الاصحاب عـادي وممتـاز
والفرق في ظرف الدهر يابو نايف

كل الحياه احلام واسـرار والغـاز
غيرك ترى شايف مثل منت شايف

عكسك يجي بالناس لمـاز همـاز
ومثلك يشوم عن النفوس الضعايف

مادام لك في مجلس العـز مركـاز
مهما تقول الناس منـت بخايـف

حط الحطب فوق الحطب وانثر القاز
شيل الثقـال ولا كثيـر الخفايـف

من لايهوز الضـد بالضـد ينهـاز
ويخضع لحد الساطيـات الرهايـف

والعشق لقلوب البشر يعطي العـاز
سيرو لعشق معسـلات الشفايـف

وكم واحدٍ عشقه بقا قيد واحجـاز
ويسقي عيونه بالدمـوع الذرايـف

حاولوحـاول فالنهايـه ولااجتـاز
قدمه عوايق في طريقـه واحايـف

حظـه يسويلـه حركـات جنبـاز
وقلبه يلوفه بين الاضـلاع لايـف

مهما يحقق في حياته مـن انجـاز
ماعوضـه دم الجـروح النزايـف

واقبل تحيـاتٍ مثـل عطـر قـزاز
ولاهنت يـاراع العلـوم الطرايـف