::: مـنتدى قبيلـة الـدواسـر الـرسمي ::: - الشيخ %سمره ابن عايض ابن ذهبان ال حميد الدوسري

السلام عليكم ورحمة الله وبركاته
قصيدهـ تعبر عن نفسها للشاعر الكبير //سمره بن عايض بن شديد بن ذهيبان آل حميد الدوسري

جريت يوم كل نام لي ونه
ونةمريض شكى حر الملالي
يالجتي لج خلف سيق في الكنه
عدوه من مشربه في واهج اللالي
تبكي عيوني على مافات يبغنه
تذرف دموع على لوجان همالي
ياعين تبكين شيء منكف منه
جيل قضى وابتدى من بعده أجيالي
كم واحد في الجهل ماينشد منه
لاهوب بيعرف ولايطرى له أفعالي
مع السوادين والخفرات يهرنه
عند العرب جالس من حسبة المالي
واليوم شيخ وكل ينتبي منه
وليا أعترض له مجال قيل رجالي
البوم في عالي المشراف رنه
والتبع زاعم هل الشيخات من تالي
والحر عكف مخاليب يعيشنه
لامر ه الجول يغضي منه محتالي
والذيب قامت عيال الضان ياطنه
بطح يدينه ومنها لز في الجالي
ميل الدهركم فهيم يشتكي منه
يشكون بقعاء عليهم ميلها دالي
ياقلب ميل الدهرماتكتفي منه
وين الذي قدعرفنا راح من غالي
تم الفرايض وحصنها بلى منه
اللي فرضها علينا ربنا الوالي
والثانيه راعي الحقران جز منه
خله بفاله وانا بروح في فالي
الاش لاكثر ماله واختلف فنه
مالك وماله ترى ماهوب ينسالي
من لا نفع في حياتي سامح منه
ويش عاد أبي به ليا من مت لي تالي
مابغى عيوني ليا من مت يبكنه
محزن بموته ويبقى خاطري سالي
ورز قي على جزيل المد ما منه
مده ولامدة بيدين الانذالي
يا لله يالي خلقت النار والجنه
أكتب لنا في جنان الخلد منزالي

عسى ان تحوز على رضاكم

مع تحيات (وحيد الوادي