اخذيني اليا عجبتك بس رديني = وان ماعجبتك خلاص اخذيني ما ابيني
مادامني شفت فيك الطهر والعفه = بأعيف نفسي إلى منك كرهتيني
اخذيني لو اعتبر من ضمن أشيائك = وانا بحبك ولا لازم تحبيني
لابي علاقة ولابي نظرة وبسمة = احساسي اني بقربك بس يكفيني
ولو اني انضفت لأشيائك غصب عنك =طلي علي ياغناتي لا تخليني
تراى لاجاء المصامد مانيب هين = تقول كن العرب لعبة بيديني
شخصيتي من غرابتها وطيبتها =كن الزمن في تحد بينه وبيني
اخذيني الشاعر اللي ما صدق حظة=لا قلت ياحظ وينك قال : يا ويني
اخذيني المبدع المتفلسف التحفة =مؤمن وتضحك على العالم شياطيني
شهرة شكسبير وافلاطون ونيوتن = لا قلت بيت شعر تطيح من عيني
اخذيني العنصري اللي صدق متعنصر =من دون ربعي لو اقطع شراييني
اخذيني اليا منه طلب يعطى = وتكفين لامن طلبتك لا ترديني
تكفين ياغايتي يابهجة الدنيا = ابحرق قلوب ناس ما تدانيني
اخذيني بكل شوق وقولي احبك = وإن شككوا فيك او في .. ضميني
قولي سعد والله إنه غالي جدا = وياجعل فدوة شبابي وآخر سنيني
وانا بأصدق كلامك وأعتنز بالله = وبأقول للناس ما يعنيك يعنيني
وانا علي نذر ما ارخص جيتك وانتي = نذر على رقبتك إنك ... ما تخليني