::: مـنتدى قبيلـة الـدواسـر الـرسمي ::: - قصيده عن قبايل السعوديه ,,

السلام عليكم و رحمة الله و بركاته

,,,,,,,,,,,,,,,,,,,,,,,,,,,,,,,,,,,,,,,,,,,

يــــالله يــاخالق اراضين وابحـــــار **** الـــواحد المعبــــود رازق عبيده

الــخالق الغفـــار عـــــلام الاســـرار **** وفرق شعوب الارض في كل يده

وابدي واسولف من عذيبات الاشعار **** ابيـات شــعر والمعــاني وكيـده

اشــري وابيع واعرف كيف بختـــار **** واختـار من جزل البيوت الفريـــده

وذ كر تراث وعــز وامجاد وافخــار **** قبــائل تــــومن بـــدين وعقيـــده

وصلت حضارتنا على سطح الاقمار **** ابنـــا الــــجزير والجزيره مــجيده

في ظـــل حكـام لهم فعتل واشوار **** ال السعــــود اللي تــفك الضهيده

نسل الــزعيم الحتاكم العادل البار **** مجدد امـــجاد الــجزيــــره بــجيده

حتى اصبحت حره وحنا له انصــار **** في ظل اخـو نوره هنوف سعيــده

وصارت لابو تركي بطوله وتذكار **** والفـــخر والامجـــاد تبقى شهيــده

وخلف لنا املوك لهم فعل واخبار **** الشعب واحـــد والقيــــاده رشيـــده

والامــن بانينه على ساس وجدار **** وقرو على العــابث عقـوبه شديــده

وحــنا حماة الـدار من كل غــدار **** ومــا همنــا بـطشه وخــبثه وكــيده

قبــائل مــالحقنــاهـم اوعــــــار **** وعشنا بـــهذي الدار عيشه رغيـــده

والحمد لله نحمده ســــر واجهـــار **** شــعب تكــاتف مــن سنين مــديــده

ودون الوطن جيش على كــل معبار **** لارفــــرف البيرق ونادى عــــقيـده

بشرق البلاد وغــربها دوم حضـــار **** وارض الشمال اللي نــفوده مـــديده

وارض الجنوب اللي تخيضر بالاشجار **** جــزيــرة فيها القبـايل عـــديـــده

ارض بها قحــطان وافيــن الاشبـــار **** وياعــز منـــهم بالشــدايد بسيــده

واذكـــر عتيبه يــوم للـطيب مغـــوار **** لا ثارت الهيجا وقـــرب ضـــديـــده

وشمر هل الطولات والجـــود مقـــدار **** اهل الكرم واهل الفـعول الحميــده

وقوم اعنزه مروين الاخصام الامرار **** اولاد وايـــل من عـــصور عـــهيــده

ومطير قـــوم تــكرم الضيف لا زرار **** وياويل خصم فــي حــراهم وعـــيده

واذكر قبيلة حــرب يانعم الاخيـــار **** وتاريخهم يحكي سطــــــور مــجيده

وسبيع نعم القوم ووجيه الاسفــار **** زبن الدخيل ليا زبــــن مـــن طـــريــده

واذكـــر قبيلة يام والطـيب ينــــدار **** اهــل الــعلوم الــوافيه والـــرشيـــده

ثم الــــدواسر تجعل الخصم منهـــار **** عيــــال زايـد عــــز مـــنهم سنيــــده

ثم السهــول اللي لها الطيب مــدرار **** وعن منهج العــــادات ماهي مـحيــده

ثم اذكر العــجمان حـــمايـــة الجــار **** والمـــرجله والجــــاه فيــهم عتيـــده

واذكـــر بني مـــره طويلين الاعمــار **** مـــا ينــــقد المــري ولا لـــه نقيـــده

ثـــم الهــــواجر لابة تقــــــدح النــــار **** اهل الركـــــاب اللي خطــاها بعيده

واذكــــر بنــي خالـــــد قبيلة وامــــار **** قوم لهم في المجد قول ورصـــيده

وبني تــمــيـــم اللي لها الطيب مصـــدار **** بنـــي تــمــيـــم وكــل فعل تجيـده

ثم الزعوب اللي بها الخصــم يحــتــار **** شجعــان ماتــرضى ســـوا ماتريـــده

العازمي وافي وفي الطيب بيطــــار **** روحه على كل المصــــاعب صميـــده

ثم الظفيري في المصـــاعيب جبــار **** والطيب والامـــداح باصـــله وطيــــده

ثم اذكـر الاشراف بجــــلال واكبـــار **** اهــل الحجـــاز اللي تفـــك الزهيـــده

ثم الهذيلي له مـــواقـــف ومنـــدار **** راعي الفـــخر راعي العلــوم السديـــده

ثم البقوم اللي لــهم جيش وامـــهار **** ريــف الضيــــوف ليــا لفـــاهم وليــــده

واذكر ثقيف اللي لهم مجد وآثــــار **** ومهما حسبنا من كـــــــلام نعــــــيــده

وبلحارث اهل العز بشهود واقـــرار **** ا لحــــــــارثي ياطيب فـعله وجيـــــده

والمالكي معروف لا صار ما صــــار **** في موقف اهــل الطيب يبذل جهيـــــده

واثني تحياتي عدد وبل الامطــــار **** علـــى سليم وكــــل خــــصم تكيـــــده

واذكر جهينه هل مــــواقيف وادوار **** تلقى الجهينــــي راسم الطيب بيــــده

واذكر بلي والمجدله فعل واظهــار **** وتاريخهم يحكـــي فـــــعول فرــــيده

وبني عطيه في المواجيب حضـــار **** قـــــوم بوقت الجــد قــــوم عنيـــــده

ثم الحويطي والكرامه له اشعــــار **** ثم الشراري له فعــــول مـــفيــــــــده

ثم الرشيدي في الصعيبات صــبار **** على علـــوم الطيب فعـــله يـــزيــــده

وباقي جنوب الدار والقاف مــادار **** باقي على قلبـــي كـــــلام واشيـــده

زهران نعم القوم في وقت الاضـرار **** والخصم عينه من لقـــــاها سهيــــده

والغامدي معروف له عزم واصرار **** راعــي المــراجل والعـــلوم المفيـــــده

وشمران قوم والجمايل لها اطـــوار **** وبلقــــرن سم للقــــلوب النكــــيـــده

والاكلبي والمـــحلفي مــابعد بــــار **** والحــــارثي طيبه وفعله يشـيــــده

وبني شهر وبني عمر سيف بتــــار **** قوم على الاخصــــام نار وقـــيـــده

والاسمري والاحمري صيتهم ســـار **** بين القبــايل والمــــواقف شهيــــده

واذكر عسيــر الهول ذربين الاذكــار **** وابها احتموها فالسنين الشديــــده

وادهـم والصيعر على حــــد الاقـــطار **** يحمون حد الدار من اللي يريــــده

وامشي مع الســاحل مع جمله افكــار **** رسمتــها والطيـــر زان اتغريــــده

وانزل على جيزان تــــاريخ واديــــار **** ورجــال فيفا والقبــــايل عديـــده

وارجوا العذر واهل المــواجيب عذار **** الي نسيته مانــــذكر في القصيـــده

الــــواهبي عـــــــدد ابيوــته بالادوار **** من شاعــر ماشـــل قـلبه حقيـــــده

شهران ربعي هم هل المــــدح والكار **** واهل الكند واهل السيوف الجديده

يــــــــوم البــــلد مايامن الزند لاــــثار **** زيزومنا ابن مشيــط نعم الــوليـــده

فالــجهل شجعان وفي السلم تجـــــار **** مــــن بطن بيشه للتــهم لارفيــــده

حبيت ابين موقــــــفي بين شـــعــــار **** وارجوا سموحتكم على ذا النشيـده

مـــــاحب انــــافق واتعنصر تعنصـــار **** ولا ني باطيع اهل العقول البلـــيده

مــا كل من طـب البــــــحر قيل بحـــار **** وما كل من شل الفشق جاب صيـــده

فالشـــــعر بستان بــــه ورد وازهــــار **** واللي تــــعداهــــا بيوته فـقيـــــده

واقولها في الشعر تكــــرار وامـــــرار **** ضــرف بلا عــــــنوان يلــغى بريــده

وبعض السوالف له مــواقف ومحضــــــار**** وشعر بلا معنــــى لـــــزوم نبيــــده

وصلوا على المرسول شــــفاع الابــــرار**** مــحــمــد الهــادي وقـــدوة عبيـــده

وسلامتكم ,,

ولــــــــــد القبــــــــــايل ,,