|
افزعوا ودلوني لايفوتني العلم الغانم
مساكم الله بالخير يالابتي وعصابة راسي
موضوعي هو :- ابشركم اخوي تخرج من كلية التقنيه - قسم الهندسه المدنيه - بامتياز ومرتبة الشرف والحمد لله وله رغبه يكمل دراسة البكالوريوس ولاهوب داري وين التقديم عليه وكيف خبركم اغلب التقديمات هاليومين وتعد فرصه ماتتكرر الا مره بالسنه واخاف يجلس على ماهو عليه والدنيا كل مالها في تعقيد وبعض الشهادات يوم ورى يوم ماعاد تنفع وودي انه يحصل على اعلى الشهادات فمن منكم يعرف او إذا ماعليه كلافه ينشد ويرد لي العلم فبيض الله وجهه تكفون لاتونون علي في حراكم |
رد: افزعوا ودلوني لايفوتني العلم الغانم
|
رد: افزعوا ودلوني لايفوتني العلم الغانم
الله يبارك فيك وعقبال غالينك
لاهنت على مرورك |
رد: افزعوا ودلوني لايفوتني العلم الغانم
للرفع
|
رد: افزعوا ودلوني لايفوتني العلم الغانم
ارحب ياخو الشيوخ وعلى البركة تخرج اخوك وإلى المراتب الأعلى بإذن الله واللي اعرفه وانا اخوك أنه إلى حد السنة الماضية لم تجاز فكرة اكمال البكالريوس لخريجي التقنية وكلية الاتصالات على مااظن.. من قبل وزارة التعليم العالي وانا اتصلت على أحد المسؤولين قبل قليل في كلية الهندسة بجامعة الملك سعود بالرياض وجواله مقفل ، وفي حالة ورود أي جديد سأضع ردي هنا أو ارسل لي رقمك على الخاص إذا كنت بالرياض وتريد مقابلة المسؤولين بكلية الهندسة بجامعة الملك سعود بالرياض (وتوصية خاصة) فأبشر.:) وعسى الله يسهل اموره ويوفقه ويوفق الجميع لما يحبه ويرضاه ،،، |
رد: افزعوا ودلوني لايفوتني العلم الغانم
هلا وغلا ياراشد
جعلك ذخر للصعيبات انا ياخوك ماني بالرياض واذا لزم الحضور عد ان اخوي على عتبة بابك ولو من هالحين وانا على الجهاز اكتب لك ... زهمته لك واذا على المسؤولين اللي تعرفهم ابد خلك انت بالعلم حتى يتبارك ويتم تم الله عليك الصحه والعافيه وهذا انا برسل رقمي بكل الاحوال عليك بالخاص واي جديد معك وافني به لاهنت وبيض الله وجهك |
الساعة الآن 05:15 PM
 |
Powered by vBulletin® Copyright ©2000 - 2025, Jelsoft Enterprises Ltd.
---