فاطري فالرجع كم لك من محله=ياوجودي ذي عهودك خالياتي
ياوجودي ماحضرت الا المذلة=ذاخرين ٍ بالعمار الغالياتي
ليتنا عندك ولو كنّا مقله=كلٍ بياخذ نصيبه من الحياتي
لاتجي المشراف وأحذر يامسله= لاتجي المشراف حولك نايفاتي
أحذروا من ضمر (( كنهن الأهله)) = فوقـهـن ((ربعٍِ ينوسون العداتي))
الوضيحي ذيــرنه من محله= والغضيض اللي يديه مرصعاتي

راكب لي زين العساف دله= يم ابن( قهسان) رد له الوصاتي
لالفيتو (صالح) بالعلم قله = فعلنا ذا من عصور مبطياتي
لاركبنا الجيش للحربي ندله= مانهيب البل على الماء والفلاتي
يوم شفنا البل ركوز ٍ فالاظله= مانشدنا من الحياة وما المماتي
كل فعل له طرات ٍ في محله=لا تلاقن الوجيه المنكراتي
بنت ياللي فوقها راس ٍ تهله=من الحمايل من مزايين البناتي
ليتك تشوفين من جاء فيه ذلّه=تنذرين اللي خلافك من الخواتي
من حربنا طاح ماله من يشلّه=في ثرا البل ميت ٍ للحايماتي

الاخ بدولوجيا

شاركت وابدعت

ونقلت وتميزت


والله يعطيك العافيه

ولا هنت


وننتظر باقي القصيد اللي شوقتنا فيها

تحيات اخوك


ابو عبد الله الشكري