ياقصيدي يا شقا وش فدتنـي غيـر المضـره=الله انـه يلعنـك مليـون مـره يـا قصيـدي
لانك انت اقحمتني في شي انـا عنـه بمغـره=ثم جبت العيد فيـه قبـل حتـى يحـل عيـدي
ناس لعيونـك تعاتبنـي وابـه ناسـن تشـره=وبعضهم ينباع حتى وينشـرى مثـل العبيـدي
بس انا يا كيف با لومك وفـي الخفـاق حـره=تحرقه ولا قلـت هـون قـام بالحـره يزيـدي
لاجل من حبيت وادري بان قربـه لـي مسـره=والبلا بانه ذبحني بالهـوى وراسـه عنيـدي
بس انا برسل رساله واضحـه عبـر المجـره=ياعسى ياوي ويفهم مقصـدي واقـول سيـدي
اما اقبـل للمواصـل واكفنـي بعـدك وشـره=والا ابعد بس تكفى مـن عذابـي حـل قيـدي
شوف كيف بكلمتين ابرم بهـا راسـك وافـره=وانت طبعا نـاوي تصـدق لان قلبـك بليـدي
والحقايـق والوثايـق ياسفيـه الـروح مـره=وانت وش دراك عن قلبي ولـو انـه حديـدي
والله انـك ماتـهـز بخافـقـي مثـقـال ذره=وانت شين ولانت زين ولانت في وصفك فريدي
كيف ترضى بالمهونه وثوبـك الغالـي تطـره=ومن سوات يديك غير الشي هذا وش تفيـدي
خوف قلبي تدمع عيون الـذي لـه انـت قـره=لاني اشوفك مشيت اليـوم فـي درب النقيـدي
وخوف قلبي من وقوع الكارثه صوتـك تجـره=من بعد روووح سراب بعينك المجـد التليـدي
مار كب الحب واهلـه وزر ثـوب الستـر زره=وفي الطريق اللي نصحتك عنه حذرا لاتعيـدي
ودي لا جـت سيرتـك يهتـف لـهـا لله دره=ولا تضلي مع مهبات الهـوى مثـل الجريـدي
الله انـه يحفظـك لاهلـك كمـا مكنـون دره=والله انه يبعدك عـن كـل شيطانـن مريـدي
واحفظ اللي قلت لك في القلب وافطن له وصره=قلتها صادق وناصح لو علـى شانـي تكيـدي
وادري ان هذي الحقيقه حنظله والطعـم مـره=مار بعض المر طـب ويجبـر الـدا للشديـدي
وياقصيـدي الله انـه يلعنـك مليـون مــره=والله انـه يلعنـك مليـون مـره ياقصـيـدي