سلام ياجمع الرجال المناعير = اللي نهار الضد تاقف طوابير
وتحية مني على كل رجال = تعم كل اللي حضر عود وصغير
يامرحبا يامرحبا والف ترحيب = ترحيب احلى من حليب المصاغير
من بعدها والبن وسط الفناجيل = ينساق من صفر الدلال المباهير
الليل هذا عيد وحضوركم عيد = في حفلة ذالليل عنوانها خير
للطيب ناس وللمواقف حلاحيل = شرواك يابادي زبون المخاسير
قرم وكريم وكاسب كل نوماس = واسمك ظهر صيته مثل سالم الزير
ينصاك منهو من لياليه مضهود = ويروح منك يضحك وضحكته غير
في الدار لك منصب وفي العلم دكتور = وفي المرجله رجال هيبه وتقدير
بثني عليك المدح قدم الرياجيل = تستاهله من دون شرح وتفاسير
وبسم القبيله الف مبروك مبروك = كل يسوق الك الفرح والتباشير
يابادي الوقفات يابادي الطيب = لاشانة وجيه الليالي المعاسير
حنا الدواسر لاعوا الذيب للذيب = نطوع اللي وسط راسه سعاطير
دواسر الوقفات زايد وتغلب = يرسون في الماقف كما طويق والنير
حنا الدواسر متعبة قب الامهار = لاثار في الميدان عج ومعاصير
حنا مدلهة القصير وحماته = ناسم عصاه ويهتني بالمشاوير
حنا هل الابل من قديم السنينا = في ديارنا ترعى عشوب مداوير
حنا ذحاح الكبد سقم المعادي = نظرب اعدانا بالسوف البواتير
حنا هل النوماس والعز والفخر = حنا على العليا ورود ومصادير
ولا قصور بكل باقي القبايل = نعم وكفو اعداد ماغرد الطير
واليوم يابادي تراك انت مقدام = عن الدواسر كلهم دون تقصير
يالله عساك تمثل بخير تمثيل = يوم الدواسر وقفو وقفة غير
ولا شك ماننسا تحالف هل الجود = حنا وعتيبه والهواجرمع مطير
قبايل تعرف على مر الازمان= تاريخها واضح ولا فيه تزوير
وفهد ولد عياد ماطاح موجود = حنا حزامه دون شك ومعاذير
وسعدون ياسعدون ولا وش اقول = رجل وسياسي وعارف كل تطوير
ودليهي الي له مواقيف وشهود =كل الصعايب قدمه تهون وتصير
وكوتنا تبغى رجال لها سور = وانتو الرجال اللي لها نور وينير
وصباح الاحمد كلنا فدوة له = حنا جنوده كلبونا مغاوير
ويالله عسى التوفيق في خاتمتها = بامر الولي حلال كل التدابير

المشاركة الأصلية كتبت بواسطة خيالية (المشاركة 450915) الله يسلمك ،، وصــح لســـااان الشــاااعر ..

المشاركة الأصلية كتبت بواسطة نايف ابن شميعان (المشاركة 450918) صح لسان الشاعر ولاهنت يا مشاري وبيض الله وجهك على النقل هذا ولاعدمناكــــ تحياااااتي نايف ابن شميعان

المشاركة الأصلية كتبت بواسطة الدوسري هديان (المشاركة 450927) الله يسلمك ،، وصــح لســـااان الشــاااعر .. ويستاهل الممدوح

المشاركة الأصلية كتبت بواسطة الشقرديه (المشاركة 451084) تسلم يمناااااك على النقل وصححححح لسان الشاعر

المشاركة الأصلية كتبت بواسطة محمد العبداللطيف (المشاركة 451223) تسلم يمينك على النقل وصح السان الشاعر