|
الشاعر : طلال الرشيد
السلام عليكم ورحمة الله وبركاته هذه القصيده للشاعر طلال الرشيد أهديها لكم وكلي أمل بأن ترقى لأذواقكم العاليه
يا صغيّر ما يكبِّرني لقب =و ما يصغِّرني إذا انكرني صغير ما خذينا الصيت من جمع الذهب=و لا نسابة شيخ أو قربة وزير كاسبينه من هل السَّيف الحَدَب=الجنايز كان ما جاك النذير صيتهم نجمٍ على راسه ذهب=سمعوا الصقهان به و أجهر ضرير بالوفا تاريخٍ أبيض ينتصب=لا حكوا بالحق حيين الضمير ضيغميٍّ للسناعيس أنتسب=لابةٍ طلنا بها عرشٍ كبير عند حدّك يا كثير الهرج تب=لا تمر النار و ثيابك حرير كان لك عزٍّ بذلّي فتعقب=و الله الا تبطي و حبلك قصير أحسب أنك من صناديد العرب=و أثر ساترتك عباتك يا غرير ما حسب للسوس زراع القصب=و القرادة ما درى عنها البعير و لو حسبنا للحسايف و التعب=ما بذرنا يالعصافير الشعير عن هلك أبرا إلى الله و أحتسب=الرجال اللي مجاراهم عسير من قريش المصطفى و أبو لهب=و الدغالب ما غشت عذب الغدير للرجال من الرجاجيل العتب=و الزكاة تحل في حال الفقير لعن ابو وقتٍ غدينا به حطب=تحرقه نارٍ يثوِّرها أجير ما ألومك ذا الزمن سوّى العجب=هو بقى غير الكرامة بالجفير ؟ ما أذل و راسي يشم المهب=لو بقى من شمّرٍ طفلٍ غرير و ما أهاب و لا يزلزلني غضب=الشجاعة ورث و العاقل غزير يا صغيّر ما يكبَّر باللقب=غير من كان من دونه صغير ولكم مني أطيب وأجمل التحايا محبكم دغش البطي |
وعليكم السلام ورحمة الله وبركاته الله الله عليك يابومحمد على هذى الاختيار الموفق اهنيك على الاختيار الجزل جعل يمناك ميجيها العطب يابومحمد علمك غانم ياكحيلان جعلني مخلى منك والله يرحم الشاعر الكبير طلال الرشيد تقبل تحياتي وتقديري واحترامي اخـــوك / فـــهــــد الـــغـــريـــري,,, |
فهد الغريري يامرحبا والله ومسهلا مرورك العاطر نور وعطر المشاركة المتواضعه من طيب راسك وكرم ذاتك أثنيت على مشاركتي المتواضعه وهذا ليس بغريب عليك لأن الطيب ملازمك في حياتك عسى ربي يهنيك ويمدد في حياتك ويبارك لك في ذريتك تقبل الود والتقدير والشكر والعرفان محبك الدائم : دغش البطي |
لاهنت يادغش....
ابو بطي أرحب ترحيبة المطر ، لاذكرت علوم الجزالة جاء طاريك يابن غياث ، دايماً مبدع وماتجيب إلا الجزل.
ضيغمـيٍّ للسناعـيـس أنتـسـب لابـةٍ طلنـا بهـا عـرشٍ كبيـر عند حدّك يا كثيـر الهـرج تـب لا تمـر النـار و ثيابـك حريـر كـان لـك عـزٍّ بذلّـي فتعقـب و الله الا تبطي و حبلـك قصيـر يالله ترحم طلال الرشيد ، عز الله إن شمّر فقدت رجال شاعر وأمير بعد ، وقصيدته مليانه بالكلمات القوية و يحق له يفخر فيها أي شمري . واصل الإبداع يابو بطي ودمت ذخراً لهذا المنتدى ولك ودي واحترامي ،،،، |
أنا أشهد ان شمر فقدت لها رجال...
الله يرحمك يالملتاع وجعلك في أعالي الجنه... ماألومك ذا الزمن سوا العجب هوبقى غير الكرامه بالجفير طلال الرشيد شاعر بكل المقاييس... تسلم يادغش على ذوقك الرفيع...وتقبل تحياتي............ |
اقتباس:
أبو عبدالمحسن المسعري مرحب يبقى طالت لياليك وأيامك ولاعليك زود يالقرم كل علوم الوفاء عندك الحقيقه مرورك العاطر نور وعطر المشاركة المتواضعه وهذا كله من طيب راسك وكرم ذاتك عندما أثنيت على مشاركتي المتواضعه وهذا ليس بغريب عليك لأن الطيب ملازمك في حياتك ومن ربعٍ وافين في جميع العلوم الغانمه عسى ربي يهنيك ويمدد في حياتك ويبارك لك في ذريتك تقبل الود والتقدير والشكر والعرفان محبك الدائم : دغش البطي |
اقتباس:
الغادي أي والله شمر فقدت رجل وأمير ولكن هذا حال الدنيا الله يكفينا وإياكم من شرورها لاهنت يالقرم على المرور العاطر تحياتي لك محب الجميع : دغش البطي |
يـا صغيّـر مـا يكبِّرنـي لقـب = و ما يصغِّرني إذا انكرني صغيـر ما خذينا الصيت من جمع الذهـب = و لا نسابة شيخ أو قربـة وزيـر اشهد ان اللي قالها شاعر الله يرحمه ويتغمد روحه الجنة دغش البطي يعطيك الله العافية الدايمة على الموضوع الطيّب والمميز ولا تحرمنا جديدك يالغالي اخوك في الله محمد الغريري |
محمد الغريري ومن يقول يتعافى الحقيقه مرورك العاطر نور وعطر المشاركة المتواضعه وهذا كله من طيب راسك وكرم ذاتك عندما أثنيت على مشاركتي المتواضعه وهذا ليس بغريب عليك لأن الطيب ملازمك في حياتك ومن ربعٍ وافين في جميع العلوم الغانمه عسى ربي يهنيك ويمدد في حياتك ويبارك لك في ذريتك تقبل الود والتقدير والشكر والعرفان محبك الدائم : دغش البطي |
رحم الله الامير الراحل
قصيده أكبر من التحليل وأكبر من اي ثناء كانت ترتدي على اكتافها جلباب الشموخ شكرا لك اخوي على الاختيار الراقي تحياتي لك عزيزي |
دغش البطي موفق في الأختيار سلمت يمينك يابو محمد ورحم الله ( الملتاع ) وسناعيس حايل شعارهم واجد |
اقتباس:
عبدالستار مثقال أشكرك جزيل الشكر والعرفان على المرور العاطر اللذي شرفني وأسعدني لاهنت وبيض الله وجهك على التوقيع والتعقيب الجميل تحياتي العطره لك محب الجميع : دغش البطي |
اقتباس:
الواضح أشكرك جزيل الشكر والعرفان على المرور العاطر اللذي شرفني وأسعدني لاهنت وبيض الله وجهك على التوقيع والتعقيب الجميل تحياتي العطره لك محب الجميع : دغش البطي |
الساعة الآن 02:59 PM
 |
Powered by vBulletin® Copyright ©2000 - 2025, Jelsoft Enterprises Ltd.
---